Во Лос Анџелес во неделата навечер беа доделени Греми наградите, а апсолутен победник на вечерта е Бед Бани со албумот „Debi Tirar Mas fotos“, кој беше прогласен и за албум на годината. Ова е за прв пат албум на шпански јазик да ја добие Греми наградата во најпрестижната категорија.
Бед Бани беше награден и за најдобар албум од урбаната музика, а беше номиниран и во категориите „песна на годината“ и „рекорд на годината“.
За песна на годината Греми наградата ја доби Били Ајлиш за „Wildflower“. Пејачката во говорот по освојувањето на наградата силно ја критикуваше политиката на Трамп против имигрантите и порача дека „никој не е илегален на украдена земја“, нагласувајќи ја важноста на јавно спротивставување, борба и протест.
На церемонијата успех остварија и Кендрик Ламарчиј албум “GNX” беше прогласен за најдобар албум во рап категоријата, како и Лејди гага чиј албум “Mayhem”ја освои наградата за најдобар поп вокален албум.
Греми наградата се доделува од 1959 и важи за најпрестижното признание во музичката индустрија.
Слични новости
Парижанец освои на лотарија слика од Пикасо вредна повеќе од милион евра
Маж од Париз освои оригинална слика од шпанскиот сликар пабло Пикасо вредна повеќе од милион евра на хуманитарна лотарија за која билетот чинеше 100 евра.
„Галаксијата на Супер Марио“ заработи над 600 милиони долари за две недели прикажување
Филмот на Универзал „Галаксијата на Супер Марио“ направен според франшизата од видео играта оствари одлични резултати и е прв на Бокс офисот и во втората недела од прикажувањето.
Бритни Спирс повторно на рехабилитација од зависност
Бритни Спирс се пријави во институција за рехабилитација од зависност, откако минатиот месец беше уапсена поради возење под дејство на дрога.