Во Лос Анџелес во неделата навечер беа доделени Греми наградите, а апсолутен победник на вечерта е Бед Бани со албумот „Debi Tirar Mas fotos“, кој беше прогласен и за албум на годината. Ова е за прв пат албум на шпански јазик да ја добие Греми наградата во најпрестижната категорија.
Бед Бани беше награден и за најдобар албум од урбаната музика, а беше номиниран и во категориите „песна на годината“ и „рекорд на годината“.
За песна на годината Греми наградата ја доби Били Ајлиш за „Wildflower“. Пејачката во говорот по освојувањето на наградата силно ја критикуваше политиката на Трамп против имигрантите и порача дека „никој не е илегален на украдена земја“, нагласувајќи ја важноста на јавно спротивставување, борба и протест.
На церемонијата успех остварија и Кендрик Ламарчиј албум “GNX” беше прогласен за најдобар албум во рап категоријата, како и Лејди гага чиј албум “Mayhem”ја освои наградата за најдобар поп вокален албум.
Греми наградата се доделува од 1959 и важи за најпрестижното признание во музичката индустрија.
Слични новости
Почина Тими Де Карло фронтменот на рок бендот „Бостон“
Томи Де Карло, фронтменот на американскиот рок-бенд Бостон, почина на 60-годишна возраст, од рак на мозокот. Музичарот почина само шест месеци откако му беше дијагностицирана болеста
Бокс Офис: Анимираниот Хоперс на Пиксар ортови со заработка од 88 милиони долари
Студиото Пиксар има голема причина за задоволство, откако во премиерниот викенд нивниот најнов филм „Хоперс“ заработи 46 милиони долари во САД и 42 милиони долари на глобалните пазари
Бен Стилер побара од Белата куќа да го отстрани „Тропската бура“ од пропагандното видео за војната во Иран
Стилер напиша дека никој не и дал дозвола на Белата куќа да користи клипови од филмот и дека тој нема интерес да биде дел од нивната пропагандна машина. Војната не е филм, порача Бен Стилер.