Вработените од ЈП „Паркови и зеленило“ и фирмите ќерки „Флораком“ и „Луна“ одржаа нов протест поради неисплатена плата за месец септември. Два часа ги блокираа двата влеза на ЈП „Паркови и зеленило“ во периодот од 7 до 9 часот.
Велат дека пари на нивните сметки се уште нема како и дека директорот на претпријатието се уште е недостапен за нив. Најавуваат радикализирање на протестот во наредниот период со блокади и на некои од сообраќајниците на главниот град.
Претседателот на Синдикатот на СУТКОЗ, Стојанче Кашиковски, информираше дека вработените сè уште немаат земено ниту регрес за годишен одмор, јубилејни награди или отпремнина за пензионирани лица. Синдикатот веќе поднел пријави до Државниот инспекторат за труд, како и кривична пријава против директорот за неисплата на К-15.
Слични новости
Отстранета дивоградба на улица „Орце Николов“ во Центар
Општина Центар ја урна нелегално изградената доградба на деловен објект на улица Орце Николов број 139, која без одобрение за градење го узурпираше просторот наменет за граѓаните
Линеарното зголемување на пензиите е одлука на Владата, но Уставниот суд ќе го даде конечниот став
Барањето на сите релевантни здруженија на пензионери, вклучувајќи го и Сојузот на здруженија на пензионери во Република Македонија, беа во насока на линеарно зголемување на пензиите и Владата тоа го испочитува, но конечната оцена за уставноста на мерката треба да ја даде Уставниот суд, вели директорот на Фондот за пензиско и инвалидско осигурување (ПИОМ) Никола Мемов
Арсовски бара извинување од СДСМ: Немам никаква врска со сопствениците на фирмата „Дигитал оне“
Ниту го познавам човекот кој е сопственик на фирмата, ниту сум го сретнал, ниту знам како изгледа, ниту ми е роднина по било која основа. Единствено што е исто е презимето. Немам никаква врска со никаков тендер, ниту пак сум имал било каква врска со државни тендери, изјави поранешниот портпарол на ВМРО-ДПМНЕ