Хрватската потрошувачка платформа „Ало, инспектор“ која започна бојкот на продавниците, ги повика граѓаните од денеска да не купуваат одредени производи и да бојкотираат одредени трговски ланци во период од седум дена.
Тие дополнително повикаа на општ бојкот на продавниците утре, по примерот на оној што се случи минатата недела.
Се повикуваат граѓаните да не купуваат во три меѓународни трговски синџири – Лидл, Еуроспин и ДМ, како и да не купуваат газирани пијалоци, вода и детергенти во ниту една продавница од денеска наутро до среда навечер. Исто така, хрватските граѓани се повикуваат воопшто да не трошат в петок, а планирано е бојкотот да опфати платежни трансакции, угостителски услуги, сместување, превоз и достава, се вели во повикот.
За време на бојкотот на бензинските пумпи и другите малопродажни продавници минатиот петок граѓаните потрошиле нешто повеќе од 28,5 милиони евра, додека седум дена претходно, пред бојкотот, биле потрошени околу 60,5 милиони евра. Минатиот петок, поради масовниот бојкот на продавниците, бројот на сметки за малопродажба во Хрватска е намален за 44 отсто во однос на претходниот петок, додека сумата на сметките паднала за цели 53 отсто.
Вкупниот број на фактури (во сите индустриски гранки, не само трговијата) падна за 29 отсто, а износот на фактурите за 36 отсто.
Слични новости
Белградските студенти пешки до Нови Сад на заеднички блокади
Студентите од Нови Сад организираат блокада на мостовите Варадинскиот, Жежељовиот и Мостот на слободата, а акцијата ја нарекоа „Три месеца – три моста“, покрај колегите од Белград, ќе им се придружат, како што најавија, и бројни јавни личности и претставници на организации од регионот
Трамп предвреме го „ослободи од должност“ амбасадорот на САД во Софија
Амбасадорот Мертен поднесе оставка, која беше веднаш прифатена од американскиот претседател Доналд Трамп
Стерјовски: На македонското малцинство во Албанија не се гледа како на мост за поврзување со матичната земја
На малцинствата не гледаат како мост на поврзување со нашите матични земји, каде што можеме да дадеме придонес, рече меѓу другото Васил Стерјовски, во гостување во емисијата „60 минути” на СКАН телевизија