Хрватската потрошувачка платформа „Ало, инспектор“ која започна бојкот на продавниците, ги повика граѓаните од денеска да не купуваат одредени производи и да бојкотираат одредени трговски ланци во период од седум дена.
Тие дополнително повикаа на општ бојкот на продавниците утре, по примерот на оној што се случи минатата недела.
Се повикуваат граѓаните да не купуваат во три меѓународни трговски синџири – Лидл, Еуроспин и ДМ, како и да не купуваат газирани пијалоци, вода и детергенти во ниту една продавница од денеска наутро до среда навечер. Исто така, хрватските граѓани се повикуваат воопшто да не трошат в петок, а планирано е бојкотот да опфати платежни трансакции, угостителски услуги, сместување, превоз и достава, се вели во повикот.
За време на бојкотот на бензинските пумпи и другите малопродажни продавници минатиот петок граѓаните потрошиле нешто повеќе од 28,5 милиони евра, додека седум дена претходно, пред бојкотот, биле потрошени околу 60,5 милиони евра. Минатиот петок, поради масовниот бојкот на продавниците, бројот на сметки за малопродажба во Хрватска е намален за 44 отсто во однос на претходниот петок, додека сумата на сметките паднала за цели 53 отсто.
Вкупниот број на фактури (во сите индустриски гранки, не само трговијата) падна за 29 отсто, а износот на фактурите за 36 отсто.
Слични новости
Блокадата на мостот Слобода во Нови Сад траеше цела ноќ, студентите спиеја на улица
Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица
Заврши блокадата на два од трите моста во Нови Сад – Жежељскиот и Варадинскиот се проодни, мостот Слобода ќе биде блокиран до утре попладне
Српските студенти денеска блокираа три моста во Нови Сад, по повод три месеци од уривањето на настрешница на градската железничка станица.
Во САД конструиран првиот борбен авион Ф16 Блок 70 за Бугарија
Првите два американски борбени авиони Ф 16 од вкупно 16-те колку што ги нарача Бугарија, би требало да пристигнат во Бугарија во април годинава, а другите до крајот на 2027.