Во Турција се уапсени 37 луѓе кои се сомничат дека на социјалните мрежи објавувале провокативни коменатри за апсењето на градоначалникот на Истанбул Екрем Имамоглу, соопшти денеска министерот за внатрешни работи на Турција Али Јерликаја.
Како што наведе министерот на платформата Х „осомничените објавувале провокативни коментари за апсењето на Имамоглу во кои се поттикнувале злосторства и омраза“. Тој соопшти дека турските власти идентификувале 261 спорна објава на социјалните мрежи, од кои 62 биле од странство, пренесува Ројтерс.
Турската полиција во средата го уапси градоначалникот на Истанбул Екрем Имамоглу поради обвинение дека предводел криминална организација, која местела тендери, примала мито и помагала на терористичка организација.
Во првото обраќање по апсењето Имамоглу порача дека турскиот народ ќе одговори на „интригите, лагите и замките“ кои се усмерени против него.
Екрем Имамоглу е главен политички ривал на турскиот претседател Реџеп Тип Ердоган, а опозицијата за неколку дена треба да го избере својот претседателски кандидат за следните избори.
Слични новости
Европските челници се договорија за зајакнување на Украина, но не и за „силите за поддршка“
Европските челници ја потврдија својата долгорочна поддршка за Украина на самитот во Париз во четвртокот, но се чини дека постигнале мал напредок во поглед на улогата што би можеле да ја играат во обезбедувањето безбедносни гаранции доколку се постигне мировен договор со Москва
Американското Министерство за здравство и човечки услуги под Кенеди отпушта 10.000 луѓе
Министерството за здравство и човечки услуги на САД во четвртокот објави дека ќе отпушти околу 10.000 вработени со полно работно време и ќе затвори околу половина од своите регионални канцеларии
Европскиот суд побара од српските власти да коментираат за употребата на звучно оружје на протестот
Европскиот суд за човекови права (ЕСЧП) побара од српската влада да даде одговори во врска со наводите дека било употребено звучно оружје против учесниците на масовниот протест во Белград на 15 март, поставувајќи краен рок за одговор до 31 март, а правни експерти укажуваат дека тоа може да влијае на процесот на европска интеграција на Србија