Судскиот совет денеска треба да донесе одлука за формирање на Комисија за утврдување на ориентациониот број на предмети што треба да ги реши судијата месечно во основните судови, во апелационите судови, Управниот суд, Вишиот управен суд и во Врховниот суд за 2025 година.
На дневниот ред од денешната седница закажана за во 10:00 часот во салата на Судскиот совет е и разгледување на извештајот за спроведена работна посета на Основен кривичен суд Скопје и Апелационен суд Скопје.
Советот денеска треба да ги усвои записниците од 504 и 513 седница и да донесе одлуки за престанок и избор на судии поротници.
Разгледување на извештајот за проверка на навременост на пријавите и комплетност на документите по објавен оглас за избор на претседател на Врховен суд, Основен суд Берово, Основен суд Делчево, Основен суд Охрид и Основен суд Радовиш е исто така, на дневниот ред.
Расправата по претставките и поплаките од граѓаните и правните лица за работата на судиите, претседателите на судовите и судовите, поднесени до Судскиот совет на Република Северна Македонија е предвидена на крајот од седницата, исто како и точката разно.
Слични новости
Во УКЦС во Белград се 17 пациенти од пожарот во Кочани, двајца се на механичка вентилација и двајца оперирани
Седумнаесет лица повредени во пожарот во Кочани се лекуваат во Ургентниот центар на Универзитетскиот клинички центар на Србија во Белград од кои две се на механичка вентилација, а двајца се оперирани, изјави др Милан Стојичиќ
Синоќа мирен марш низ штипските улици за загинатите во трагедијата во Кочани
Во Штип во саботата вечерта во тишина, без говори и со пораката „Вие го запаливте пламенот спремете се за оган“ се собраа младите на Градскиот плоштад „Слобода“, изразувајќи го својот револт за несреќата во дискотеката „Пулс“ во Кочани
Намален бројот на критични пациенти од пожарот, од утре ќе се исплаќа помошта за семејствата на настраданите
Шест дена по трагичниот пожар во дискотеката „Пулс“ во Кочани, се намалува бројот на критичните пациенти кои се лекуваат во земјава и надвор од државата. Но, како што посочуваат надлежните, борбата не е завршена, таа допрва претстои, почнува ризикот од инфекции и допрва претстои можно влошување на состојбата. Сепак, утре се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата