Во производствените погони на американската компанија Локид Мартин во Гринвил за Бугарија е конструиран првиот американски борбен авион Ф-16 Блок 70, со што стратегиското партнерство на Бугарија со САД продолжува да се унапредува, објави денеска бугарскиот премиер Росен Жељазков.
„Со набавката на повеќенаменските борбени ловци Ф-16 Блок 70, способни за извршување на широк спектар на мисии, нашата борбена авијација ќе изгради нови способности со кои бугарското воено воздухопловство ќе оствари цеосна интероперабилност со сојузниците во НАТО и ЕУ“, објави премиерот Жељазков.
Првите два американски борбени авиони Ф 16 од вкупно 16-те колку што ги нарача Бугарија, би требало да пристигнат во Бугарија во април годинава, а другите до крајот на 2027.
Во согласност со распоредот на испораката на авиони за Бугарија, вкупно 32 бугарски воени пилоти ќе бидат обучени во САД, како и стотина воени авио-специјалисти, наведуваат бугарските медиуми.
Слични новости
Турција е подготвена да прифати „некои“ Палестинци ослободени од Израел
Турција е подготвена да прифати „некои Палестинци“ ослободени од Израел според договорот за прекин на огнот меѓу Израел и Хамас, изјави во неделата во Доха турскиот министер за надворешни работи Хакан Фидан
Грција предупредува на зголемена сеизмичка активност на Санторини
Грчките власти ги советуваа жителите на егејскиот остров Санторини да ги затворат училиштата во понеделник, да избегнуваат две мали пристаништа и да се воздржат од собирање во затворени простории по зголемената сеизмичка активност во областа последните денови
Блокадата на мостот Слобода во Нови Сад траеше цела ноќ, студентите спиеја на улица
Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица