Американско-руските разговори на високо ниво започнаа во вторникот во саудиската престолнина Ријад со вообичаеното протоколарно ракување во присуство на медиумите. Како што јавија руските медиуми, преговорите се водат во еден од дворците на кралското семејство, Дирија во комплексот Албасатин. На влезот се истакнати знамињата на Русија, САД и Саудиска Арабија, а поставен е и виолетов тепих, опишуваат медиумите.
Од руска страна на преговарачка маса се министерот за надворешни работи Сергеј Лавров и помошникот на Кремљ Јуриј Ушаков. Наспроти нив се тројца американски преговарачи: советникот за национална безбедност на претседателот Доналд Трамп, Мајк Волц, државниот секретар Марко Рубио и специјалниот пратеник на американскиот претседател за Блискиот исток, Стив Виткофф.
Присутен е и извршниот директор на рускиот фонд за директни инвестиции Кирил Дмитриев, чија институција во минатото имаше огромен број соработки на заеднички американско-руски, главно научни проекти во областа на здравството. Тој даде изјава за медиумите по почетокот на разговорите.
Претставниците на руските и американските медиуми истовремено беа доведени до местото на состанокот. Медиумите влегоа во просторијата кога преговарачите веќе беа седнати на масата.
Состанокот САД-Русија во Ријад „нема да има резултати“, тврди Зеленски
Киев нема да учествува во американско-руските преговори во Ријад и ги смета за бесмислени, изјави украинскиот претседател Володимир Зеленски.
„Украина нема да учествува. Украина смета дека какви и да се преговори преговори за Украина што се водат без Украина немаат резултати… Ние нема да признаеме такви договори“, им рече Зеленски на новинарите во понеделникот, додавајќи дека Киев „не знае ништо“ за претстојните разговори.
Зеленски посочи дека неговата посета на Саудиска Арабија подоцна во вторникот „нема врска“ со средбата меѓу американските и руските преговарачи.
„Посетата на регионот беше планирана долго пред САД да одлучат да се сретнат со Русија таму“, рече тој, цитиран од Politico.
Главниот помошник на Путин за надворешна политика, Јуриј Ушаков, во понеделникот потврди дека преговорите со Американците нема да вклучуваат трети страни. Тој рече дека разговорите се насочени да послужат како чекор кон „вистинска нормализација“ на односите на Русија со САД и да ја постават основата за ставање крај на украинскиот конфликт.
Слични новости
Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата
Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства.
Поведена постапка против 11 лица, за 8 веќе е поднесен предлог за краткотраен притвор
Обвинителството во понеделникот доцна вечерта соопшти дека се поведува постапка на проверки за вкупно 11 лица во врска со трагичната несреќа што се случи во дискотека во Кочани. Од нив, за осум лица веќе е поднесен предлог за краткотраен притвор, а за останатите тројца кои се хоспитализирани и во потешка здравствена состојба, постапката ќе продолжи дополнително
Се бара краткотраен притвор за 10 лица, во дискотеката немало доволно ПП апарати и не е склучен писмен договор меѓу организаторот и групата
авното обвинителство ќе бара краткотраен притвор за десет лица, за кои во текот на денешниот ден се обезбедени докази за евентуална одговорност за синоќешниот пожар во ноќниот клуб во Кочани, информираше вечерва jавниот обвинител Љупчо Коцевски и обвинителите од тимот што постапуваат на случајот.