Во претплазливо тргување Волстрит ја започна седмицата со пад

Инвеститорите се претпазливи пред состанокот на челниците на Fed, кои ќе објават одлука за каматните стапки во среда.
Со сите најнови податоци кои покажуваат дека американската економија забавува, а пазарот на трудот слабее, инвеститорите веруваат дека Федералните резерви ќе ги намалат каматните стапки за 0,25 отстотни поени, како што направија во септември и октомври.

Сепак, аналитичарите велат дека гувернерите на Федералните резерви никогаш не биле толку поделени по прашањето на монетарната политика. Додека некои велат дека каматните стапки треба да се намалат, бидејќи ризиците за пазарот на трудот ги надминуваат ризиците од зголемување на инфлацијата, други предупредуваат дека инфлацијата е сè уште далеку над целните нивоа на Федералните резерви од околу 2 отсто и дека намалувањето на каматните стапки треба да се одложи сè додека не видиме како претходните намалувања влијаеле врз економијата.

Пазарот проценува дека постои околу 90 отсто веројатност Федералните резерви да ги намалат каматните стапки, но ова веќе е вградено во цените на акциите, кои нагло пораснаа во последните седмици, па прашањето е колку повеќе простор има за нив да растат.

Инвеститорите вчера обратија внимание и на непријателската понуда на „Paramount“ за преземање на филмските и телевизиски студија „Warner Bros.“, вредна 108 милијарди долари, што е значително повеќе од цената што „Netflix“ ја понуди за купување на „Warner Bros.“ минатата седмица.

Почетокот на битката за преземање на „Warner Bros.“ предизвика цената на акциите на филмската компанија да порасне за 4,4 отсто, а на „Paramount“ за 9 отсто. Цената на „Netflix“, од друга страна, падна за повеќе од 3 проценти.

Вчера претпазливо се тргуваше и на европските берзи. Лондонскиот FTSE падна за 0,23 отсто на 9.645 поени, а парискиот CAC за 0,08 отсто на 8.108 поени. Франкфуртскиот DAX, од друга страна, порасна за 0,07 отсто, на 24.046 поени.