Израелскиот премиер Бенјамин Нетанјаху ќе ги започне преговорите за втората фаза од прекинот на огнот во Газа кога ќе се сретне со пратеникот на американскиот претседател Доналд Трамп за Блискиот исток, Стив Виткоф, во понеделник во Вашингтон, соопшти кабинетот на Нетанјаху доцна ноќта во саботата.
Нетанјаху во недела треба да отпатува за Вашингтон, каде што следната седмица ќе се сретне со Трамп во Белата куќа за да разговара за Газа и за израелските заложници што сè уште се држат таму.
За време на неговиот состанок со Виткоф, Нетанјаху ќе разговара за позициите на Израел за прекинот на огнот, соопшти кабинетот на премиерот.
Виткоф потоа ќе разговара со официјални лица од Египет и Катар кои посредуваа меѓу Израел и Хамас во изминатите 15 месеци, со поддршка од Вашингтон.
Израел и Хамас постигнаа сложен договор за прекин на огнот минатиот месец, кој требаше да се спроведе во три фази, со што беа запрени борбите во Газа. Хамас досега ослободи 18 заложници во замена за стотиците Палестинци кои се држат во израелските затвори.
Во Газа сѐ уште има повеќе од 70 заложници, според израелските проценки.
Слични новости
Гренланд забранува странски донации за политичките партии
Гренланд, кој американскиот претседател Доналд Трамп би сакал да го вклучи во САД поради националната безбедност, има намера да усвои нацрт-закон со кој ќе се забранат странските донации за политичките партии на островот
Оштетувањето на кабелот меѓу Шведска и Латвија не е саботажа
Прекинот на подводниот кабел со оптички влакна меѓу Латвија и Шведска на 26 јануари не е саботажа, објави во понеделникот шведскиот обвинител задолжен за случајот, со што ја поништи заплената на осомничениот брод
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година