Општина Центар во понеделник повторно ќе спроведе вонредна дератизација на повеќе локации во општината, откако зголемено присуство на глодари било забележано и покрај тоа што претходната акција била спроведена пред само еден месец.
Од Општината информираат дека од почетокот на годината е реализирана редовна пролетна дератизација на целата територија, како и две вонредни акции на места каде што бил забележан поголем број глодари. Во октомври е планирана и редовната есенска дератизација.
Градоначалникот на Општина Центар, Горан Герасимовски, вели дека службите ја следат состојбата и реагираат кога е потребно, но посочува дека дератизацијата сама по себе не е доволна за трајно решавање на проблемот.
Со вонредната дератизација ќе бидат опфатени шахти, просторот околу контејнерите и други ризични точки каде што е забележано или пријавено присуство на глодари.
Слични новости
За прославата за независноста – 5,53 милиони евра чинеле манифестациите од сметката на Државна лотарија и донации од фирми
Владата во април годинава донела одлука да ја задолжи Државната лотарија, нераспределената добивка од 2024 година од 300 милиони денари, да ја намени за спонзорирање на прославата. Владината портпаролка инсистира дека тоа не се буџетски пари, иако Лотарија е во целосна државна сопственост.
МВР: Над 20 дуќани изгореа во пожарот во Шуто Оризари, сите во сопственост на едно лице
Денеска околу 03:20 часот во СВР Скопје е пријавено дека во трговски центар на подрачјето Шуто Оризари опожарени биле над 20 дуќани со текстилна и друга роба сопственост на С.С. кои ги има дадено под закупнина.
Утрово на ГП „Блаце“ се предаде екс директорот на Државна лотарија, Перпарим Бајрами – спроведен е во Шутка
Министерството за внатрешни работи потврди дека утрово, во 5:35 часот, на граничниот премин Блаце, сам се пријавил поранешниот директор на „Државна лотарија“, Перпарим Бајрами, баран со меѓународна потерница. Бајрами, како што информира МВР, е спроведен во Казнено-поправната установа „Затвор Скопје“.