Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти, додека другите имаат полесни повреди.
Како што известува порталот Аксиос, повикувајќи се на изјави на официјални израелски службеници, САД му помагале на Израел во пресретнувањето на иранските ракети.
Американски висок извор ја потврди американската воена помош со образложение дека во Израел живеат неколку стотици илјади американски граѓани и дека нивната влада работи на нивна заштита.
Техеран соопшти дека „конфронтацијата нема да заврши со ограничените напади од синоќа и дека иранските напади ќе продолжат, а акцијата ќе биде многу болна за агресорите“.
Иранската операција „Вистинско ветување три“ ќе трае колку што е потребно, а во текот на ноќта се погодени три израелски воздухопловни бази кои биле користени како лансирни платформи за напади врз Иран, изјави високиот ирански командант Ахмад Вахиди.
Вахиди изјави дека се погодени неколку цели на окупираните територии, како и воените бази Неватим и Овда, од каде што Израел ги лансираше воените напади врз Техеран. Тој рече дека со нападот врз Иран израелскиот режим направил сериозна грешка и предупреди дека „ционистите би требало да се подготват за последиците“.
Израелските одбранбени сили пак соопштија дека во текот на ноќта десетици израелски борбени авиони вршеле воздушни напади на подрачјето на Техеран. Меѓу многуте погодени цели била и иранската инфратсруктура за противвоздупшна одбрана, соопшти израелската војска.
„За прв пат од поечтокот на војната, десетици борбени авиони на военото воздухопловтсво летеа над Техеран, повеќе од 1.500 километри од Израел и ги нападнаа одбранбените системи во регионот на Техеран“ изјави командантот на ИДФ Томер Бар. ИДФ исто така соопшти дека пресретнала голем број на дронови лансирани кон Израел од Иран.
Слични новости
Денеска нов ракетен напад на Иран врз Израел, Техеран најавува и напади врз американските воени бази на Блискиот исток
Според дописниците на светските агенции, експлозии се слушнале и во Тел Авив. Израелските медиуми јавуваат дека ракета паднала во градот, а претходно беше пријавена силна експлозија во Ерусалим.
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Израелската војска соопшти дека нападите врз Иран само што почнаа
Израелската војска соопшти дека нејзините воздухопловни сили продолжуваат да го напаѓаат Иран и дека операцијата тукушто започна. Израел ноќеска отпочна напад врз Иран, наведувајќи дека се гаѓани нуклеарни објекти, фабрики за балистички проектили, воени команданти и физичари, чија цел е да се спречи Техеран да развие нуклеарно вооружување.