Училишта во Загреб утрово добија дојави за поставени експлозивни направи, информираа Градот Загреб и полицијата, наведувајќи дека децата се безбедни и дека се надвор од училиштата и се проверуваат од експерти за деактивирање бомби.
„Во контакт сме со полицијата, чии деминери веќе вршат увид во училиштата. Сите ученици се целосно безбедни надвор од училиштата, а сите надлежни служби преземаат максимални мерки за што поскоро нормализирање на состојбата“, соопштуваат од Градот.
Тие наведуваат дека во текот на денот ќе ја информираат јавноста за сите расположливи детали.
„Најостро го осудуваме овој неодговорен и опасен чин и изразуваме надеж дека сторителот(ите) брзо ќе бидат идентификувани и најстрого казнети“, соопштија од Градот.
Загрепската полиција извести дека во текот на ноќта образовните институции во градот Загреб добиле порака на електронските адреси за поставени експлозивни направи.
Полициски службеници се испратени на локациите и во моментов ја проверуваат веродостојноста на наводите во добиениот мејл, велат од полицијата, јавија загрепските медиуми.
Слични новости
Албанија: Се очекува дијаспората да има влијание на изборите на 11. мај
Во Албанија се очекува дијаспората да има големо влијание на резултатите на парламентарните избори на 11. мај, доколку правото на глас го остварат сите оние на кои им е прифатено барањето
Србија: Три пратенички тешко повредени во безредијата во парламентот, изјави Брнабиќ
Претседателката на српскиот парламент Ана Брнабиќ изјави дека во денешните немири во парламентот се повредени три пратенички, меѓу кои и една која доживеала мозочен удар и се бори за животот
Додик не се откажува, прави планови за блокирање на владините тела на БиХ
Лидерот на босанските Срби, Милорад Додик, започна кампања со цел да ги убеди сите Срби вработени во владините тела на Босна и Херцеговија да ги напуштат своите работни места, ветувајќи им дека во тој случај ќе им најде работа и ќе им даде повисоки плати