„Војна на Ѕвездите: Мандалоринецот и Грогу“ заработи 100 милиони долари на отварањето во САД

Студијата Дизни и Лукасфилм објавија дека за првите четири дена од прикажувањето нивниот најнов филм од франшизата Војна на ѕвездите „ Мандалоринецот и Грогу“ стигна до заработка од 100 милиони долари на американскиот Бокс офис и до 65 милиони долари во странство за тотална заработка од 165 милиони доларина премиерниот викенд.

Првичните бројки во петокот најавуваа дека филмот ќе биде најлошо отварање на еден филм од франшизата „Војна на ѕвездите“, полош дури и од „Соло: Приказна за војна на ѕвездите“ од 2018 кој на крајот заврши со загуба бидејќи неговата продукција чинеше 275 милиони долари.

„Мандо“ е многу поевтин и неговата продукција чинеше 165 милиони долари. И покрај скромното отварање, Дизни се надева дека филмот ќе биде успех, бидејќи во моментов филмовите подолго играат на Бокс офисот. Филмот доби буст и од критичарите. Ротен томејтоус му даде 89 проценти, што е највиското за било кој филм од франшизата.