Поради зголемената сеизмичка активност, со одлука на генералниот секретар за цивилна заштита на Грција Василис Папагеоргиу, на Санторини е прогласена вонредна состојба, додека од општината објаснија дека станува збор за „чисто административна одлука со цел забрзување на потребните процедури за преземање итни и ефективни мерки“.
Од општината додадоа дека дополнително, целта е и да се олесни координацијата на надлежните органи и побрзо да се решаваат прашањата поврзани со земјотресите.
Одлуката на цивилната заштита ќе биде во сила до 3 март годинава и е „за справување со вонредните потреби и управување со последиците што произлегоа од сеизмичката активност“.
Во морскиот дел меѓу островите Санторини и Аморгос и во текот на денешниот ден се регистрирани низа земјотреси, но сите под пет степени според Рихтер.
Неофицијално, утре островот ќе го посети грчкиот премиер Кирјакос Мицотакис.
Слични новости
Константинос Тасулас избран за нов претседател на Грција
Поранешниот претседател на грчкиот парламент, Константинос Тасулас, во средата е избран за нов шеф на државата, должност на којашто ќе ја замени Катерина Сакеларопулу,
Калас и Кос: Косово одржа мирни и конкурентни избори, но мора да ги спроведе обврските од договорите со Белград без одлагање и предуслови
Напредокот во нормализацијата на односите со Србија е единствениот начин Косово да постигне напредок на својот европски пат. Нема алтернатива за дијалогот со посредство од ЕУ, се наведува во пораката.
Продолжува серијата земјотреси во морскиот дел меѓу грчките острови Санторини и Аморгос
Земјотрес со јачина од 5 степени беше регистриран кусо по 3 часот по локално време во близина на Санторини, а серијата земјотреси во морскиот дел меѓу островите Санторини и Аморгос продолжи и во текот на ноќта