На Волстрит, индексите Dow Jones и S&P 500 останаа речиси непроменети во средата откако Федералните резерви (Fed) ги намалија каматните стапки, но претседателот на централната банка Џером Пауел изјави дека дополнителното намалување во декември воопшто не е сигурно.
Индексот Dow Jones падна за 0,16 отсто на 47.632 поени, додека S&P 500 остана речиси непроменет на 6.890 поени. Индексот Nasdaq, од друга страна, порасна за 0,55 отсто на рекордните 23.958 поени.
Челниците на американската централна банка вчера на редовен состанок одлучија да ги намалат клучните каматни стапки за уште 0,25 отстотни поени, како што направија во септември и како што очекуваше пазарот.
Сепак, инвеститорите беа поколебани од претседателот на Fed, Џером Пауел, кој на прес-конференција изјави дека натамошното намалување на каматните стапки во декември воопшто не е сигурно. Тој истакна дека голем број претставници на Fed веруваат дека е потребно да се почека развојот на настаните во економијата пред натамошно прилагодување на монетарната политика.
До вчера, пазарот проценуваше дека има повеќе од 90 отсто веројатност Fed да ги намали каматните стапки во декември, но по коментарите на Пауел, овие шанси паднаа на околу 70 отсто.
Што ќе се случи со каматните стапки зависи од идните економски индикатори, но американските федерални агенции, вклучително и статистичките оддели, сè уште не работат бидејќи во Конгресот не е постигнат договор за понатамошно финансирање на овие услуги. А кога услугите повторно ќе почнат да објавуваат статистички податоци, насоката на пазарот повторно ќе зависи најмногу од шпекулациите со каматните стапки.
И додека Dow Jones ослабе вчера, индексот „Nasdaq“ достигна ново рекордно ниво.
Тоа е во голема мера благодарение на зголемувањето на цената на акциите на Nvidia за уште 3 проценти, што го прави производителот на чипови за вештачка интелигенција првата компанија со пазарна вредност од повеќе од 5 трилиони долари.
Од почетокот на годината, цената на Nvidia скокна за повеќе од 50 проценти, благодарение на еуфоријата околу развојот на вештачката интелигенција.
По затворањето на Волстрит, трите технолошки гиганта „Microsoft“, „Alphabet“ и „Meta Platforms“ ги објавија своите квартални деловни резултати.
Во продолженото тргување, по затворањето на пазарот, цената на акциите на „Meta“ падна за 9 отсто, а на „Microsoft“ за 1 отсто. Акциите на „Alphabet“, од друга страна, пораснаа за 5 отсто.
Терминските индекси Dow Jones, S&P 500 и индексот Nasdaq моментално се во мал минус од околу 0,2 отсто.
А на повеќето европски берзи, цените на акциите паднаа вчера. Иако, лондонскиот FTSE индекс зајакна за 0,61 отсто, на рекордни 9.756 поени, франкфуртскиот DAX се лизна за 0,64 отсто, на 24.124 поени, а парискиот CAC за 0,19 отсто, на 8.200 поени.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година