Цените на акциите силно пораснаа на Волстрит во понеделникот, главно во технолошкиот сектор, надоместувајќи дел од загубите од петокот кога пазарот беше потресен од најавата за дополнителни царини за кинески стоки увезени во САД.
Индексот Dow Jones доби 1,29 отсто, на 46.067 поени, додека S&P 500 порасна за 1,56 отсто, на 6.654 поени, а индексот Nasdaq порасна за 2,21 отсто, на 22.694 поени.
Цените на акциите на неколку технолошки гиганти најмногу пораснаа вчера, благодарение на континуираната еуфорија околу развојот на вештачката интелигенција.
Цената на акциите на производителот на чипови „Broadcom“ скокна за речиси 10 отсто, на „Micron Technology“ за повеќе од 6 отсто, а на Nvidia за речиси 3 отсто.
Индексот PHLX на производителите на чипови скокна за речиси 5 отсто.
Акциите на неколку други технолошки гиганти, како што е „Oracle“, го следеа примерот, а нивните цени пораснаа за повеќе од 5 отсто.
„Развојот на вештачката интелигенција продолжува да биде главен двигател на пазарот, па затоа не е изненадувачки што инвеститорите одлучија да купат акции кои нагло паднаа во петокот. Но, треба да бидете внимателни додека не се реши конфликтот меѓу Вашингтон и Пекинг“, смета Сем Стовал, стратег во компанијата „CFRA Research“.
Вчера берзанските индекси ги надоместија поголемиот дел од загубите од петокот, кога пазарот беше потресен од најавата на американскиот претседател Доналд Трамп дека ќе воведе дополнителни 100 отсто царини за кинескиот увоз од 1 ноември.
Во текот на викендот, кинеските власти ги обвинија САД за двојни стандарди и се заканија со противмерки.
Трамп, од друга страна, се обиде да ги смири инвеститорите во неделата, велејќи на социјалните мрежи дека сè ќе биде во ред, дека многу го цени претседателот Кси и дека САД не сакаат да ѝ наштетат на Кина.
Цените на акциите вчера пораснаа и на европските берзи. Лондонскиот индекс FTSE зајакна за 0,16 отсто, на 9.442 поени, додека франкфуртскиот DAX порасна за 0,60 отсто, на 24.387 поени, а парискиот CAC за 0,21 отстоа, на 7.934 поени.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година