Волстрит ги надомести загубите од минатата седмица

Така, индексите ги надоместија речиси сите загуби од минатата седмица, кога остро паднаа поради притисокот врз технолошкиот сектор. На почетокот од оваа седмица секторот закрепна, при што цените на акциите на речиси сите најголеми технолошки компании се зголемија.

Технолошкиот сектор долго време расте силно, благодарение на еуфоријата во врска со развојот на вештачката интелигенција, но во последните недели инвеститорите беа загрижени за високите цени на технолошките акции и огромните инвестиции во секторот, па затоа цените на акциите значително флуктуираа.

Пазарот е поддржан од надежите на инвеститорите дека американската централна банка повторно ќе ги намали каматните стапки за 0,25 отсто поени оваа година, како што направи во септември и октомври. По коментарите од неколку претставници на Fed, пазарот сега проценува дека постои 85 отсто веројатност централната банка да ги намали каматните стапки во декември, додека минатонеделните шанси беа околу 40 отсто.

Сепак, овие проценки веројатно ќе варираат од ден на ден, бидејќи до крајот на седмицата се очекуваат низа нови макроекономски индикатори, од малопродажба до цени на производители, што може да влијае на овие шпекулации. Оваа работна седмица ќе биде скратена, со оглед на тоа што четврток е празник во САД поради Денот на благодарноста, додека тргувањето на Волстрит ќе биде скратено во петок.

Инвеститорите ќе се фокусираат и на вестите за продажбата во малопродажните синџири и онлајн, бидејќи започнува сезоната на трошење пред празниците.

Европските берзи тргуваа претпазливо вчера. Лондонскиот индекс FTSE падна за 0,05 отсти на 9.534 поени, а парискиот CAC 40 падна за 0,29 отсто на 7.950 поени. Франкфуртскиот DAX порасна за 0,64 отсто на 23.239 поени.