На њујоршки Волстрит берзанските индекси паднаа во средата поради новото интензивирање на трговскиот конфликт меѓу САД и Кина, но и поради послабите од очекуваните деловни резултати на неколку компании, вклучувајќи го и „Netflix“.
Индексот Dow Jones се лизна за 0,71 отсто, на 46.590 поени, додека S&P 500 падна за 0,53 отсто, на 6.699 поени, а индексот Nasdaq за 0,93 отсто, на 22.740 поени.
Меѓу најголемите губитници беше акцијата на „Netflix“ вчера, чија цена падна за повеќе од 10 отсто, откако компанијата објави помала од очекуваната квартална добивка. Неколку други компании ги разочараа инвеститорите со своите деловни резултати во изминатиот квартал, вклучувајќи ја и „Texas Instrument“, чија цена падна за повеќе од 5 отсто.
И откако достигна рекордни нивоа во понеделникот, секторскиот индекс на производителот на чипови вчера потона за 2,4 отсто. Тоа следува по веста дека администрацијата на американскиот претседател Доналд Трамп размислува за ограничување на извозот во Кина на низа производи направени со американски софтвер, од лаптопи до авионски мотори.
Пазарот го сметаше ова за натамошно ескалирање на трговскиот конфликт меѓу двете најголеми економии во светот, откако Кина неодамна ги заостри контролите врз извозот на ретки земни минерали, а Трамп се закани со дополнителни царини.
Деновиве, Трамп изјавуваше дека би можел да има многу успешна средба со кинескиот претседател Си Џинпинг, но исто така рече дека средбата, планирана за крајот на месецот во Јужна Кореја, можеби воопшто нема да се случи.
Цените на акциите вчера паднаа и на повеќето европски берзи. Сепак, лондонскиот индекс FTSE порасна за 0,93 отсто, на 9.515 поени, но франкфуртскиот DAX падна за 0,74 отсто, на 24.151 поен, а парискиот CAC за 0,63 отсто, на 8.206 поени.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година