Американските берзански индекси забележаа значителен пад во четвртокот, под влијание на растот на цените на нафтата и неизвесноста поврзана со случувањата на Блискиот Исток.
Индексот S&P 500 се намали за 1,74%, додека Nasdaq Composite забележа пад од 2,38%. Dow Jones Industrial Average загуби 1,01%.
Растот на цените на енергенсите дополнително изврши притисок врз пазарите. Фјучерсите на нафтата „Брент“ пораснаа за 5% и надминаа 108 долари за барел, додека „West Texas Intermediate“ достигна над 94 долари, исто така со раст од 5%.
Паралелно со падот на акциите и растот на нафтата, значително се зголемија и приносите на 10-годишните и 2-годишните државни обврзници, што укажува на заострување на финансиските услови.
Слични новости
ММФ и Светската банка предупредија дека Ормутскиот теснец е клучен за снабдување со гориво
ММФ и Светската банка, како и шефовите на Меѓународната агенција за енергија предупредија дека поради војната на Блискиот исток постои ризик за снабдување со гориво во текот на ова лето, доколку испораките на нафта низ Ормутскиот теснец не се вратат во нормала.
Пад на берзите по ескалацијата на конфликтот во Иран
Ескалацијата на тензиите меѓу САД и Иран повторно ги потресе глобалните финансиски пазари, при што цената на нафтата нагло порасна, акциите забележаа висок пад, а инвеститорите се насочија кон безбедни засолништа како американскиот долар и благородните метали.
Цените на нафтата скокнаа по новите напади на САД врз Иран
Фјучерсите на суровата нафта „брент“ се зголемија за 3,51 долари, односно 3,72 отсто, достигнувајќи 97,8 долари за барел. Фјучерсите на американската сирова нафта ВТИ се зголемија за 3,31 долари, или 3,73 отсто, достигнувајќи цена од 91,99 долари за барел.