Воздушен напад врз Киев, Американците ја затворија амбасадата

Американската амабасада во Киев денеска е привремено затворена„поради конкретни информации за потенцијално значаен воздушен напад“ во текот на денот, соопшти Стејт департментот.

 „Од предострожност амбасадата ќе биде затворена, а на вработените им е наложено да се засолнат на сигурно. Амбасадата на САД им препорачува на граѓаните на САД да бидат подготвени веднаш да се засолнат во случај да се објави воздушна тревога“, се вели во соопштението.

Истовремено Укринформ известува дека во Киев е во сила воздушна тревога, а дека во украинската претсолнина се слушаат експлозии. Украинската војска ги предупреди граѓаните на беспилотни летала над Киев, а активирана е противвоздушната одбрана.