На европските берзи во петокот претпладнето се тргува претпазливо, како и претходните денови, бидејќи инвеститорите се загрижени за царинската војна меѓу САД и Европската унија, додека индексите се на пат да остварат седмични загуби.
Индексот STOXX 600 на водечките европски акции во првиот дневен пресек од тргувањето беше речиси непроменет во однос на вчерашниот ден, додека на седмично ниво е во минус за околу 2 отсто. Лондонски FTSE индекс зајакна за 0,16 отсто, на 8.555 поени, додека франкфуртски DAX ослабе за 0,06 отсто, на 22.555 поени, а париски CAC за 0,02 отсто, на 7.940 поени.
Инвеститорите се претпазливи, бидејќи стравуваат од ескалација на царинската војна меѓу САД и Европската унија.
Откако на почетокот од седмицата стапија на сила царините од 25 отсто за увоз на челик и алуминиум во САД, Европската комисија најави контрамерки. Меѓу другото, царини од 50 отсто за увоз на американско виски. Како одговор, американскиот претседател Доналд Трамп вчера се закани со царини од 200 отсто за увоз на европски вина и жестоки пијалаци.
Покрај тоа што ескалацијата на царинската војна може да ја зголеми инфлацијата, инвеститорите стравуваат дека тоа негативно ќе влијае на меѓународната трговија и на економскиот раст.
А на азиските берзи цените на акциите пораснаа. Индексот MSCI на азиските акции во истиот пресек од тргувањето како и во Европа порасна за 0,4 отсто. Јапонскиот индекс Nikkei порасна за 0,7 отсто, додека цените на акциите во Австралија, Шангај и Хонгконг пораснаа меѓу 0,5 и 2,4 отсто. Во Јужна Кореја, пак, благо паднаа.
Растот на повеќето индекси главно се должи на корекцијата на цените на акциите по остриот пад оваа седмица, бидејќи нема значајни вести од регионот за поддршка на пазарите. Во меѓувреме, кинеските берзи растат благодарение на неодамнешното ветување на владата дека наскоро ќе воведе нови мерки за стимулирање на економскиот раст.
Слични новости
Рекордна цена на златото
На валутните пазари вредноста на американскиот долар во однос на кошницата валути порасна во петокот во претпладневното тргување
Остар пад на Волстрит, фокусот на царинската војна
На Волстрит, индексот S&P 500 драстично падна во четвртокот, спуштајќи се во територијата на корекција, бидејќи инвеститорите стравуваат дека царинската војна на САД на повеќе фронтови ќе ја поттикне инфлацијата и ќе доведе до рецесија
Германскиот производител на оружје го престигна VW по пазарна капитализација
Најголемиот европски производител на оружје „Rheinmetall“ го престигна водечкиот европски производител на автомобили „Volkswagen“ (VW) по пазарна капитализација во четвртокот на бранот побарувачка за акции во компаниите во секторот, предизвикан од најавата за повисоки трошоци за одбраната во Европа