Според првичните резултати објавени од Државната изборна комисија (ДИК), по преброени 96,94% од гласовите, кандидатите на ВМРО-ДПМНЕ водат во Скопје и во 21 општина. Коалицијата ВРЕДИ во четири, СДСМ во 3, Националната алијанса за интеграција (НАИ) води во една општина, исто како и ЗНАМ. Унијата на Роми води во Шуто Оризари, додека, еден независен кандидат води во Струга.
ВМРО-ДПМНЕ води во Град Скопје, Аеродром, Валандово, Виница, Дебарца, Демир Капија, Дојран, Долнени, Карпош, Кичево, Конче, Кочани, Крушево, Лозово, Македонски Брод, Неготино, Могила, Пробиштип, Ранковце, Росоман, Чешиново-Облешево и Чучер Сандево.
Коалицијата ВРЕДИ води во Тетово, Боговиње, Дебар и Долнени, додека, кандидатите на СДСМ имаат водство во Центар, Македонска Каменица и Зрновци.
Националната алијанса за интеграција (НАИ) води во Студеничани, а независниот каднидат Менди Ќура во Струга.
Кандидатот на ЗНАМ води во Куманово, а на Унијата на Роми во Шуто Оризари.
Гласањето во вториот круг се одвиваше во 32 општини и во Град Скопје.
Слични новости
Ниту еден од обвинетите не призна вина во случајот „Пулс“
На денешното рочиште на кое обвинетите 35 физички лица и три прaвни субјекти се произнесуваа по однос на обвинението рекоа дека не се чувствуваат за виновни, а дел од нив изразија сочувство за семејствата на жртвите, и посакаа побрзо закрепнување на повредените.
Беким Сали вицепремиер, а Мухамед Хоџа министер за животна средина
Беким Сали ќе биде вицепремиер и министер за европски прашања, а Мухамед Хоџа-министер за животна средина и просторно планирање. Премиерот ги одобри предлозите на „Вреди“ и тие се веќе доставени и пристигнати и во Собранието.
За само 12 часа од пробното функционирање на Сејф сити се регистрирани неверојатни 65 илјади прекршоци
Во првите 12 часа од пробното функционирање на системот беа регистрирани неверојатни 65.000 прекршоци од кои за поминување на црвено светло-2800 и нерегистриран автомобил -1000.