На вчерашните локални избори, градоначалник во првиот круг е избран во 44 општини, покажуваат првичните неофицијални резултати од Државната изборна комисија (ДИК).
Убедливо најголемиот дел градоначалнички места „заминаа“ во рацете на владејачката ВМРО-ДПМНЕ и коалицијата, која, според обработени 99,94 отсто од гласачките ливчиња на 3.472 од вкупно 3.474 избирачки места, освои градоначалнички места во 32 општини.
Од останатите партии, коалицијата ВЛЕН освои 5 општини, додека коалицијата „Национална алијанса за интеграција“ (НАИ) предводена од ДУИ во четири општини.
Кандидатите на ВМРО-ДПМНЕ и коалицијата во првиот круг добија градоначалнички мандати во:
Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Градско, Делчево, Демир Хисар, Зелениково, Илинден, Јегуновце, Кавадарци, Карбинци, Кисела Вода, Кратово, Новаци, Ново Село, Охрид, Петровец, Пехчево, Прилеп, Радовиш, Ресен, Свети Николе, Сопиште, Струмица и Штип.
СДСМ освои градоначалнички места во Богданци, Крива Паланка и Кривогаштани.
Градоначалник од ВЛЕН добија Арачиново, Желино, Сарај, Чаир и Теарце.
НАИ (ДУИ) поведи во четири општини: Гостивар, Липково, Пласница и Чашка.
Во Центар Жупа, Врапчиште и Маврово Ростуше изборите ќе треба да се повторат, бидејќи не излегла најмалку една третина од запишаните избирачи, како што пропишува Изборниот законик.
Вториот круг од локалните избори ќе биде одржан на 2 ноември.
Слични новости
СДСМ: Не чисти СОЗР, „чисти“ семејната фирма на Томовски
Од државни институции и од општини, водени од ДПМНЕ, семејната фирма на Томовски која го менува името добила: неверојатни 5 милиони и 360 илјади евра или вкупно 161 тендери, порача на партиска конференција за медиумите Александар – Саша – Димитријевиќ, од Централен одбор на СДСМ
ВМРО-ДПМНЕ на партиски конгрес ќе го избира старо-новиот претседател
Во Кавадарци денеска се одржува 18. Конгрес на ВМРО-ДПМНЕ, на кој се очекува да биде реизбран за претседател Христијан Мицкоски – единствениот кандидат за функцијата
Собранието ја донесе Одлуката за прераспределба на 12,5 милијарди денари буџетски средства
Собранието попладнево, со 60 гласа „за“ и девет против, ја донесе Одлуката за прераспределба на средствата помеѓу буџетските корисници на централната власт и помеѓу фондовите.