ВЛЕН: Нашето обединување ја испраќа старата политика во историјата и отвора нова епоха на реална еднаквост за Албанците

На 9 мај се потврди спротивното од она што се пропагираше две години: ВЛЕН не само што не се распадна, туку се обедини во единствен политички субјект.

Пет партии во заедничка структура претставуваат историско достигнување и нова, поконсолидирана политичка сила, соопшти Влен.

Од партијата која е дел од владината коалиција соопштија дека обидот на лидерот на ДУИ Али Ахмети да ги обедини партиите од коалицијата НАИ во единствен политички субјект пропаднаа, што е уште еден показател на кризата во овој политички блок.

Од една страна е ВЛЕН, со јасна визија за реформи и развој, од друга страна е ДУИ, нереформирана и оптоварена со скандали, порачуваат во ВЛЕН.