Владата најавува воведување на буџет по учинок за судството, со образложение дека фиксниот законски процент од БДП не гарантира рационално трошење, туку дека ефикасноста треба да се мери преку индикатори на успешност.
Иако Законот пропишува најмалку 0,8% од БДП за судската власт, државата традиционално одвојува само околу 0,3%, а според Судскиот совет, и годинава не е испочитувана законската процедура за усогласување на буџетот со Министерството за финансии.
Судскиот совет тврди дека не дал согласност да добие два и пол пати помал буџет од законскиот минимум и дека финансиската автономија на судството е сериозно нарушена – оценка што ја повтори и Европската комисија во најновиот извештај.
Организациите што го следат судството предупредуваат дека средствата едвај покриваат тековни трошоци и дека нема простор за капитални инвестиции, дигитализација или кадровско зајакнување.
Слични новости
Сообраќајот на граничниот премин Богородица конечно нормализиран
Сообраќајот на граничниот премин Богородица ( Евзони ) е целосно нормализиран од 21 часот, информираат од Автомото сојузот на Македонија. Претходно, овој премин беше во целосна блокада, и за влез и за излез од земјава, поради штрајк на земјоделците во Грција.
АХВ до крајот на декември ќе ја спроведе кампањата за вакцинација на лисиците и дивите карнивози против беснило
Агенцијата за храна и ветеринарство од 6 декември почна со втората годинешна кампања за орална вакцинација на лисиците и дивите карнивози против болеста беснило
До 40 минути се чека на Табановце и на Дојран
. На „Дојран“ времето на чекање изнесува околу 30 минути, додека на излез од државата на „Табановце“ возачите чекаат до 40 минути