Вкупниот долг на Кина трипати поголем од бруто домашниот производ (БДП) и веројатно ќе се зголеми дополнително, изјави во четвртокот заменик-гувернерот на централната банка Ксуан Чангенг, додавајќи дека сѐ уште имаат простор да ја олеснат монетарната политика за поддршка на економијата.
„Позицијата на Кина за спроведување на соодветно приспособлива монетарна политика е јасна, со доволен простор за маневрирање“, рече Ксуан на годишната конференција на Форумот Боао за Азија.
Паричната маса, која вклучува готовина и краткорочни штедни влогови, е повеќе од двапати од БДП-то на Кина, а вкупниот долг е трипати поголем, а и двата показатели продолжуваат да растат, додаде претставникот на кинеската централна банка.
„Соодносот на монетарниот агрегат М2 кон БДП надмина 200 отсто, а односот на вкупниот долг кон БДП е повеќе од 300 отсто“, изјави Ксуан.
Вкупниот долг на Кина ја мери вкупната задолженост на економијата и континуирано расте поради владините напори да го поддржи економскиот раст.
Кинеската централна банка има намера да ги намали стапките на задолжителната резерва и каматните стапки на банките „во соодветно време“, во зависност од домашните и меѓународните економски и финансиски услови, како и развојот на финансиските пазари, повтори вицегувернерот.
Централните банкари ширум светот се соочуваат со „невидена“ неизвесност поради геополитиката и деглобализацијата и зголемената нестабилност на глобалниот финансиски пазар, нагласи тој.
Слични новости
Каматните стапки го зголемуваат американскиот буџетски дефицит и долгот
Буџетскиот дефицит и јавниот долг на Соединетите држави ќе бидат значително над долгорочниот просек оваа година и ќе продолжат да растат до средината на векот
Светските берзи драстично паднаа, по најавата на Трамп за царини на увозот на автомобили
Цените на акциите на светските берзи драстично паднаа минатата седмица, бидејќи инвеститорите стравуваат од ескалација на трговската војна, откако Вашингтон објави царини за увоз на автомобили, а голем број земји се заканија со контрамерки
Доларот ослабе во однос на кошничката валути, инвеститорите претпазливи
На пазарите на валути се тргуваше претпазливо минатата седмица, бидејќи ризикот од ескалација на цаинската војна меѓу САД и другите најголеми светски економии значително се зголеми, па курсевите на валутуте не осцилираа значително