„Верити“ со Дакота Џонсон и Ен Хатавеј ќе има премиерата во октомври

Филмот „Верити“ сниман според бестселерот на Колин Хувер ќе ја има својата премиера на втори октомври годинава. За прв пат беше објавен трејлерот од филмот во кој главните улоги ги толкуваат Дакота Џонсон и Ен Хатавеј.

Режисер на филмот е Мајкл Шоволтер кој работеше со Ен Хатавеј во филмот „Идејата за тебе “ од 2024. Во филмот играат и Исмаел Круз Кородва и Бреди Вагнер.

2026 ќе биде многу плодна година за Ен Хатавеј која глуми и во вториот дел на „Ѓаволот носи парада“, како и во многу очекуваниот спектакл на Кристофер Нолан „Одисеја“.