Потпретседателот на САД Џеј Ди Венс изјави дека очекува договор на високо ниво со компанијата која е сопственик на Тикток до 5 април.
„Речиси е сигурно дека ќе биде направена спогодба на високо ниво за која сметам дека ќе ги задоволи нашите грижи за националната безбедност и ќе овозможи создавање на засебна американска Тикток компанија“, изјави Венс.
Американскиот претседател Доналд Трамп минатиот месец ги овласти Венс и советникот за национална безбедност Мајкл Валц да ја надлегуваат продажбата на апликацијата за социјални мрежи Тикток.
Тикток се соочи со проблеми во САД откако на 19 јануари стапи во сила закон со кој се бара од сопствениците на Тикток кинеската компанија Бајтденс да го продадат, поради загрозување на американската национална безбеност или во спротивно ќе биде забранет.
Откако ја презеде должноста американски претседател Доналд Трамп на 20 јануари потпиша извршена наредба со која се бара одлагање на примена на законот за 75 дена.
Слични новости
BMW очекува царински трошоци од милијарда евра
Царинити ќе го чинат BMW милијарда евра оваа година, изјави во петокот извршниот директор на германскиот производител на луксузни автомобили Оливер Зипсе, наведувајќи ги трошоците за европските царини за електричните автомобили од кинеско производство и американските царини за увоз на челик и алуминиум
Златото над 3.000 долари
Цените на златото првпат надминаа 3.000 долари во петокот, како одраз на зголемената побарувачка на инвеститорите во услови на трговски тензии и намалување на каматните стапки
Внимателно тргување на берзите во Европа и Азија
На европските берзи во петокот претпладнето се тргува претпазливо, како и претходните денови, бидејќи инвеститорите се загрижени за царинската војна меѓу САД и Европската унија, додека индексите се на пат да остварат седмични загуби