Американскиот потпретседател Џеј-Ди Венс остро ја осуди, какошто ја нарече „инцестуозната природа на американските елити“, откако Министерството за правда на САД објави нова серија документи поврзани со починатиот сексулаен престапник Џефри Епстин.
Венс истовремено нагласи дека американскиот претседател Доналд Трамп не бил дел од таа мрежа.
„Претседателот Трамп познава многу од луѓето објавени во документите за Епстин и несомнено има слично богатство и моќ, но тој никогаш не беше пријател со Епстин на начин на кој беа многу други“.
„Ова само го разоткрива инцестуозниот карактер на американските елити, што е крајно одвратно и фрла многу лошо светло врз многубројни поединци“ истакна Венс.
Сепак името на претседателот Трамп како и некои фотографии се појавија во документите што ги објави Конгресот. Меѓу материјалите има и фотографија на Трамп кој е со група на жени чии лица се замаглени.
Портпаролката на Белата куќа Абигејл Џонсон по објавувањето на документите ги обвини демократите за „селективно бирање на документите“ со цел да создадат лажна приказна.
Таа рече дека заговорот против Трамп е побиен во повеќе наврати и дека е време медиумите да претсанат да го повторуваат флоскулите на демократите.
Слични новости
Путин и Си Џинпинг разговараа за зајакнување на соработката меѓу Русија и Кина
Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Преговои во целосна тајност: Москва, Киев и Вашингтон преговараат во Абу Даби зад затворени врати
Денеска во Абу Даби се одржува нова рунда од руско-украинските преговори со посредство на Вашингтон зад затворени врати, објавуваат руските медиуми. Извори во руската делегација изјавија дека новинарите не се повикани да ги следат разговорите и дека тие ќе се одржуваат во целосна тајност.
Илон Маск прогласи почеток на нова граѓанска војна во САД
Американскиот милијардер Илон Маск оцени дека масовните протести против постапките на имиграциската полиција на САД „ИЦЕ“ се сигнал дека во земјата започна „нова граѓанска војна“, пренесуваат американските медиуми.