Американскиот потпретседател Џеј-Ди Венс остро ја осуди, какошто ја нарече „инцестуозната природа на американските елити“, откако Министерството за правда на САД објави нова серија документи поврзани со починатиот сексулаен престапник Џефри Епстин.
Венс истовремено нагласи дека американскиот претседател Доналд Трамп не бил дел од таа мрежа.
„Претседателот Трамп познава многу од луѓето објавени во документите за Епстин и несомнено има слично богатство и моќ, но тој никогаш не беше пријател со Епстин на начин на кој беа многу други“.
„Ова само го разоткрива инцестуозниот карактер на американските елити, што е крајно одвратно и фрла многу лошо светло врз многубројни поединци“ истакна Венс.
Сепак името на претседателот Трамп како и некои фотографии се појавија во документите што ги објави Конгресот. Меѓу материјалите има и фотографија на Трамп кој е со група на жени чии лица се замаглени.
Портпаролката на Белата куќа Абигејл Џонсон по објавувањето на документите ги обвини демократите за „селективно бирање на документите“ со цел да создадат лажна приказна.
Таа рече дека заговорот против Трамп е побиен во повеќе наврати и дека е време медиумите да претсанат да го повторуваат флоскулите на демократите.
Слични новости
Бараж балистички ракети кон Израел – Хутите се вклучија во војната на Блискиот Исток
Јеменските Хути кои имаат поддршка од Иран потврдија дека за првпат го нападнаа Израел од почетокот на американско-израелската воздушна кампања против Иран.
Мисија за враќање на бродскиот сообраќај низ Ормутскиот теснец
Обединетите Арапски Емирати им соопштија на своите сојузници дека се подготвени да учествуваат во мултинационална поморска мисија за враќање на бродскиот сообраќај низ Ормутскиот теснец, објави „Фајненшл тајмс“.
Резаи: ракетите ќе преговараат со Трамп
„Секаков вид преговори со ѓаволот се страгиска грешка. Ракетите нека преговараат со американскиот претседател Трамп“, порача Резаи на социјалната мрежа Икс.