Венеција вели дека се шират „лажни вести“ за свадбата на Безос

Италијански весник неодамна објави дека венчавката на Безос ќе трае три дена, како и дека на овие настани секојдневно ќе присуствуваат по 250 гости, меѓу кои би требало да бие и американскиот претседател Доналд Трамп. Се шпекулира и дека милијардерот веќе резервирал пет хотели, како и импресивен број водени таксија и вез за пристанување на неговата мега-јахта.

Меѓутоа, од Градскиот совет на Венеција во саботата издадоа соопштение во коешто ги осудуваат „лажните вести“ и ја негираат информацијата според којашто Безос има намера да приватизира цели делови од градот.

„Бројните нагаѓања и лажните вести кои во последно време кружат за венчавката на Џеф Безос целосно се неосновани. Повикани се само 200 гости. Затоа, на Венеција ќе ѝ биде домаќин на таков настан, а притоа та да не биде пречка за градот, неговите жители и другите посетители“, се истакнува во соопштението.

Градските власти истакнуваат дека во Венеција редовно се одржуваат многу позначајни меѓународни настани од овој, од политички самити до прочуената Мостра, односно Венецискиот филмски фестивал.

Градоначалникот Луиџи Бруњаро ја поздрави одлуката на славната двојка да се венча во неговиот град, велејќи дека венециското издание на весникот Corriere della Sera дека економската полза од венчавката би можела да се мери во милиони долари.