Во последната година не видовме никаков напредок, никакви реформи кај Северна Македонија. И не станува збор само за започнување преговори, туку и за реформската агенда, планот за раст. Ако земјата не ги спроведе потребните реформи, 47-те милиони евра нема да одат кај неа, туку кај соседните земји, изјавил Вајц за Еуроњус Бугарија.
Известувачот за Македонија во Европскиот парламент, Томас Вајц порачал дека меѓусебното почитување меѓу земјите-членки и земјите-кандидати е основа на нашата соработка во Европската Унија. Прашан за европскиот пат на Македонија Вајц истакнал дека во овие геополитички времиња, само заедно како европски народи, можеме да го браниме нашиот европски начин на живот и нашите европски вредности.
Вајц посебно ги нагласил владеењето на правото, борбата против корупцијата и независните судски системи што обезбедуваат правда за граѓаните и за бизнисот. Известувачот за Македонија порача дека се надева дека пристапувањето на Албанија ќе даде стимул и на политичката сцена во Македонија.
Доколку Северна Македонија се обврзе, сериозно се обврзе, на реформи – и со оглед на тоа што земјата е кандидат повеќе од 20 години, веќе презеде некои чекори што другите земји сè уште не ги презеле, како Босна или Србија. Значи, доколку навистина се обврзе на сериозни реформи, сепак ќе има некаква шанса да се приклучи на клубот на Албанија и Црна Гора за пристапување, во текот на овој мандат на Европскиот парламент.
За жал, досега не гледам дека се преземаат потребните реформи. Во овој момент, не гледам политичка волја од страна на владата да се обврзе, да се обврзе сериозно, особено кога станува збор за владеењето на правото и независноста на судството. Но, јас сум таму за да поддржам, јас сум таму за да му помогнам на регионот да се движи напред, затоа нема да се откажам, заклучил Вајц во интервјуто.
Слични новости
Филипче смета дека со помало луксузирање на власта реално е да се постигне минималец од 600 евра
Вкупните буџетски расходи за 2026 година се планирани на рекордни 365,5 милијарди денари, што е историски највисоко ниво, а од овие пари само 7,5 милијарди денари се доволни за покачување на минималецот.
Претреси во објекти за марихуана поврзани со петте тони запленети во Србија
Претреси се вршат денеска на неколку локации поврзани со истрагата за петте тони марихуана запленета минатата недела во Србија, за која српските...
Доближени ставовите меѓу УПОЗ и Владата за покачување на платата
Финансискиот дел е речиси усогласен и прифатлив и за синдикатот и за Владата останува делот со условот кој централната власт го постави, откажување од општиот колективен договор и потпишување на индивидуални договори.