Во последната година не видовме никаков напредок, никакви реформи кај Северна Македонија. И не станува збор само за започнување преговори, туку и за реформската агенда, планот за раст. Ако земјата не ги спроведе потребните реформи, 47-те милиони евра нема да одат кај неа, туку кај соседните земји, изјавил Вајц за Еуроњус Бугарија.
Известувачот за Македонија во Европскиот парламент, Томас Вајц порачал дека меѓусебното почитување меѓу земјите-членки и земјите-кандидати е основа на нашата соработка во Европската Унија. Прашан за европскиот пат на Македонија Вајц истакнал дека во овие геополитички времиња, само заедно како европски народи, можеме да го браниме нашиот европски начин на живот и нашите европски вредности.
Вајц посебно ги нагласил владеењето на правото, борбата против корупцијата и независните судски системи што обезбедуваат правда за граѓаните и за бизнисот. Известувачот за Македонија порача дека се надева дека пристапувањето на Албанија ќе даде стимул и на политичката сцена во Македонија.
Доколку Северна Македонија се обврзе, сериозно се обврзе, на реформи – и со оглед на тоа што земјата е кандидат повеќе од 20 години, веќе презеде некои чекори што другите земји сè уште не ги презеле, како Босна или Србија. Значи, доколку навистина се обврзе на сериозни реформи, сепак ќе има некаква шанса да се приклучи на клубот на Албанија и Црна Гора за пристапување, во текот на овој мандат на Европскиот парламент.
За жал, досега не гледам дека се преземаат потребните реформи. Во овој момент, не гледам политичка волја од страна на владата да се обврзе, да се обврзе сериозно, особено кога станува збор за владеењето на правото и независноста на судството. Но, јас сум таму за да поддржам, јас сум таму за да му помогнам на регионот да се движи напред, затоа нема да се откажам, заклучил Вајц во интервјуто.
Слични новости
Продолжува судењето за Стојанче Јовановски
Денеска продолжува судењето за Стојанче Јовановски, обвинет за повеќе дела поврзани со семејно насилство и трагичната смрт на неговата сопруга Ивана Стојаноска и нивната 6-годишна ќерка. Случајот се однесува на настанот од 2 март, кога мајката и детето скокнаа од стан во скопската населба Тафталиџе.
Синот кој го убил таткото во Гостивар се обидел да ги прикрие трагите од делото
Обвинителството денеска соопшти дека 33-годишникот кој беше лишен од слобода, се обидел максимално да ги прикрие трагите од злосторството. Планот му пропаднал откако анонимна пријава од странски број ја донела полицијата на неговата врата.
ММФ: Војната ќе го забави растот на македонската економија
Поради растот на цените не енергенсите и глобалните неизвесности се очекува економскиот раст да забави на 3,1 насто во 2026, а инфлацијата повторно да порасне.