Во последната година не видовме никаков напредок, никакви реформи кај Северна Македонија. И не станува збор само за започнување преговори, туку и за реформската агенда, планот за раст. Ако земјата не ги спроведе потребните реформи, 47-те милиони евра нема да одат кај неа, туку кај соседните земји, изјавил Вајц за Еуроњус Бугарија.
Известувачот за Македонија во Европскиот парламент, Томас Вајц порачал дека меѓусебното почитување меѓу земјите-членки и земјите-кандидати е основа на нашата соработка во Европската Унија. Прашан за европскиот пат на Македонија Вајц истакнал дека во овие геополитички времиња, само заедно како европски народи, можеме да го браниме нашиот европски начин на живот и нашите европски вредности.
Вајц посебно ги нагласил владеењето на правото, борбата против корупцијата и независните судски системи што обезбедуваат правда за граѓаните и за бизнисот. Известувачот за Македонија порача дека се надева дека пристапувањето на Албанија ќе даде стимул и на политичката сцена во Македонија.
Доколку Северна Македонија се обврзе, сериозно се обврзе, на реформи – и со оглед на тоа што земјата е кандидат повеќе од 20 години, веќе презеде некои чекори што другите земји сè уште не ги презеле, како Босна или Србија. Значи, доколку навистина се обврзе на сериозни реформи, сепак ќе има некаква шанса да се приклучи на клубот на Албанија и Црна Гора за пристапување, во текот на овој мандат на Европскиот парламент.
За жал, досега не гледам дека се преземаат потребните реформи. Во овој момент, не гледам политичка волја од страна на владата да се обврзе, да се обврзе сериозно, особено кога станува збор за владеењето на правото и независноста на судството. Но, јас сум таму за да поддржам, јас сум таму за да му помогнам на регионот да се движи напред, затоа нема да се откажам, заклучил Вајц во интервјуто.
Слични новости
Поранешниот претседател Стево Пендаровски со порака до СДСМ дека е во опасност да стане маргинална партија
Поранешниот претседател на државата, Стево Пендаровски испрати порака до раководството на неговата СДСМ – дека партијата се наоѓа на сериозен крстопат и дека без длабоки промени може да се соочи со понатамошен пад, па дури и со политичка маргинализација.
СДСМ ја обвини владата дека не се справува ефикасно со кризата
Христијан Мицкоски секојдневно ги лаже граѓаните дека владата нешто следи и вели дека нема потреба да се преземат мерки. Ние предупредивме дека овој раст на цените на нафтата ќе повлече и ќе предизвика раст на цените на сите основни прехранбени продукти. И тоа се случи, се наведува во соопштението од СДСМ.
Сејф сити: драстичен пад на минувањето на црвено светло во март
Од вкупниот број на регистрирани прекршоци за минување на црвено светло констатирани се 70 прекршоци што претставува намалување на 68.2% во споредба со месец февруари.