Администрацијата на Доналд Трамп разгледува што би значел за економијата потенцијален скок на цените на нафтата и до 200 долари по барел, според извори запознаени со ситуацијата, што укажува дека високите функционери ги анализираат можните последици од екстремни сценарија во војната со Иран, објави Блумберг.
Целта на анализата е американската администрација да биде подготвена за сите исходи, вклучувајќи и долготраен конфликт.
Цените на нафтата пораснаа откако САД и Израел го нападнаа Иран на 28 февруари – американската референтна нафта ВТИ (WTI) скокна околу 30 отсто, на 91 долар по барел, додека брентот во истиот период порасна речиси 40 отсто, на околу 102 долара.
Белата куќа во средата соопшти дека дипломатските напори за ставање крај на војната сè уште траат, и покрај јавното одбивање на Иран да одговори на иницијативата на Доналд Трамп за преговори, со закани за понатамошна воена акција доколку не се постигне договор.
Администрацијата планирала воената операција да трае меѓу четири и шест недели, соопшти Белата куќа.
Министерот за енергетика Крис Рајт на 12 март изјави дека скок на цената на нафтата на 200 долари е „малку веројатен“. Сепак, тоа би претставувало огромен шок за светската економија – реално гледано, цената го достигнала тоа ниво само еднаш во последниот половина век, во 2008 година, непосредно пред светската финансиска криза.
Слични новости
Велика Британија ги ублажува санкциите кон Русија поради растот на цената на енергентите
Владата на Велика Британија донесе одлука да ги ублажи строгите санкции за руската нафта која се преработува во дизел и млазни горива во трети земји...
САД издадоа дозвола на 30 дена за пристап кон руската нафта која се транспортира по морски пат
Американскиот министер за финансии Скот Бесент на социјалната мрежа Икс наведе дека потегот ќе им овозоможи дополнителна флексибилност на државите кои се соочуваат со енергетски проблеми и дека Вашингтон, по потреба, ќе издава и специјални дозволи.
Цената на нафтата Брент падна на 110 долари за барел
Цените на нафтата во однос на понеделникот паднаа првенствено поради смалените геополитички напнатости, откако американскиот претседател Доналд Трамп привремено го запре планираниот воен удар врз Иран.