Американскиот претседател Доналд Трамп го предупреди Иран дека времето истекува за постигнување договор за крај на војната, во момент кога мировниот процес отежнато се одвива.
Откако минатата недела Трамп ја отфрли иранската листа предлози како сосема неприфатлива, државните медиуми во Исламската република го обвинија Вашингтон за дипломатска нефлексибилност, упатувајќи контра предупредување, дека неподготвеноста на Соединетите држави да направат отстапки ќе го доведат преговарачкиот процес во ќор сокак.
И покрај острата реторика на Трамп, американскиот претседател минатата недела навести подготвеност да прифати 20 годишна суспензија на иранската нуклеарна програма, наместо нејзино комплетно напуштање, што претставува нова промена во неговата позиција.
САД најавија дека имаат разработено воени сценарија за напд врз Иран вклучувајќи и испраќање на специјални единици во Иран.
Американската блокада на иранските пристаништа и спорадичните напади на Исламската револуционерна гарда врз заливската нафтена инфраструктура не им дозволуваат енергетските пазари да се смират. Неделата започна со ново покажување на цената на нафтата на берзите на 111 долари за барел.
Слични новости
Стармер под притисок на сопствената партија да поднесе оставка
Британскиот премиер Кир Стармер се соочува со притисок внатре во својата партија и владата да ја разгледа временската рамка за своте повлекување од премиерската функција, откако повеќе од 80 пратеници на Лабуристичката партија побараа негова оставка, пренесува британскиот весник „Тајмс“.
Хантавирус: Патниците од крузерот евакуирани од Тенерифе во националните престолнини
Евакуирани се 140 патници од крузерот, во операција без контакт со локалното население. Здравствените служби потврдија дека сите патници ќе одат во 42 дневен карантин.
Нетанјаху: Војната со Иран не е завршена
Израелскиот премиер Бенјамин Нетанјаху изјави дека војната со Иран не е завршена, затоа што во таа земја и натаму постојат нуклеарни материјали и постројки за збогатување на ураниум кои мора да бидат отстранети.