Американскиот пратеник за специјални операции низ светот Ричард Гренел го отфрли тврдењето на косовскиот премиер Албин Курти дека неговата влада има најдобри односи со САД, нарекувајќи го лажно.
Гренел рече дека владата на Курти не била доверлива и за време на администрациите на Трамп и на Бајден. Тој додаде дека републиканците и демократите постојано го критикуваат Курти и дека меѓународната заедница е обединета против него.
„Реториката што ја користи сега, тврдејќи дека е близок до САД и подобар од сите претходни косовски влади, е апсолутно лажна. Не се залажувајте“, рече Гренел.
„Имам многу пријатели во Косово и Албанија… и многу пријатели во Србија и во целиот регион.
Администрацијата на Трамп работеше и ќе продолжи да работи за мир за сите на Балканот.
Но, ни требаат доверливи партнери.
Владата на Курти не беше доверлива за време на првиот мандат на Трамп, ниту за време на мандатот на Бајден. И републиканците и демократите постојано го критикуваа Курти за преземање унилатерални активности кои го дестабилизираат регионот. Така и ЕУ и НАТО. Меѓународната заедница е обединета против Курти.
Американските компании се прошируваат во Албанија и Србија, но не се прошируваат на Косово поради Курти.
Курти, исто така, беше против секоја американска идеја понудена од претседателите Клинтон, Буш, Обама, Бајден и Трамп.
Реториката што сега ја користи Курти, тврдејќи дека е близок со САД и подобар од сите други косовски влади, е апсолутно лажна. Не се залажувајте”, објави Гренел.
Слични новости
Низа училишта во Грција добиле лажни заканувачки мејлови, испратени од Русија, за поставени бомби
Заканувачки мејлови за поставени експлозивни направа, кои се покажале како лажни, утрово биле испратени во низа грчки училишта, а истрагата покажала дека се испратени од седум ИП адреси од Русија, информираа од Министерството за образование, религија и спорт на Грција
Бојкот на супермаркетите низ целиот балкански регион
Според примерот на успешната граѓанска акција во Хрватска, за денеска е најавен бојкот и во Македонија, Србија, Хрватска, Босна и Херцеговина и Црна Гора, а во Словенија веќе е во тек бојкот на некои супермаркети.
Второ гласање во грчкиот Парламент за избор на претседател на Грција
Грчките пратеници претпладнево одново ќе гласаат за претседател на државата, откако во саботата, при првото гласање, ниту еден од четворицата кандидати не го доби потребното двотретински мнозинство, нешто што се очекува да се случи и на денешното второ гласање.