Случајот со 23-годишната Ива Михаилова од Кочани, која по повеќемесечни барања за лекување во Бугарија, под нејасни околности пребега во Софија и дополнително ги заостри односите меѓу Скопје и Софија, со големо внимание се следи во бугарската јавност.
БНТ објави дека Михаилова е примена во болницата „Пирогов“, каде што во следните денови треба да ѝ бидат направени низа испитувања. Бугарската министерка за надворешни работи Велислава Петрова изјави дека нејзиното министерство не било известено за конкретните чекори што ги презеле Михаилова и нејзиниот адвокат.
„Важно е таа да добие можност за соодветно лекување во Бугарија, и тоа што е можно поскоро – изјави Петрова. Таа оцени дека станува збор за хуманитарен случај за кој, според неа, во Македонија немало соодветна реакција, поради што биле преземени „очајнички чекори“.
Од партијата Преродба, побараа бугарската дипломатија да ја задржи „цврстата позиција кон Македонија во врска со случајот на Ива Михаилова“.
Пратеникот Ангел Георгиев изјави дека македонските власти треба да ги преиспитаат своите постапки и да не го користат случајот за поттикнување омраза кон Бугарија. Тој нагласи дека Михаилова ги поседувала документите со кои, според нејзиниот исказ, ја минала границата.
Михаилова е обвинета во постапката што се води во Кочани по тешката сообраќајна несреќа на патот Кочани – Штип, која се случи на 7 октомври 2025 година и во која загина едно лице, а повеќе луѓе, меѓу кои и таа, беа повредени. На Михајлова и беа одземени патните исправи. Следното рочиште е закажано за 6 ноември, и според нејзиниот адвоокат од Македонија, може да се одржи и во нејзино отсуство.
Слични новости
ЕК предлага отварање на преговарачките кластери за земјите кандидати со квалификувано мнозинство
Предлогот за поинакво гласање не ја отстранува обврската Македонија да ги спроведе договорените уставни измени. Во заклучоците на Советот на ЕУ од јули 2022 година, одржувањето на следната меѓувладина конференција е врзано за исполнувањето на таа обврска, која го опфаќа и внесувањето на Бугарите во Уставот.
Стопанската комора бара да се намали бројот на неработни денови
Комората има подготвено и компаративна анализа за бројот на неработни денови во други земји, како аргумент дека во Македонија се претерува со бројот на неработни денови, на сметка бизнис продуктивноста.
Порастот на цената на енергентите на светските пазари ќе се рефлектира врз цената на парното во Македонија
Кога во јули се пресметувала новата цена на парното, природниот гас бил калкулиран по околу 40 евра за мегават-час. Денес берзанските цени се движат над 70 евра, а во одредени периоди достигнувале и околу 80 евра.