Случајот со 23-годишната Ива Михаилова од Кочани, која по повеќемесечни барања за лекување во Бугарија, под нејасни околности пребега во Софија и дополнително ги заостри односите меѓу Скопје и Софија, со големо внимание се следи во бугарската јавност.
БНТ објави дека Михаилова е примена во болницата „Пирогов“, каде што во следните денови треба да ѝ бидат направени низа испитувања. Бугарската министерка за надворешни работи Велислава Петрова изјави дека нејзиното министерство не било известено за конкретните чекори што ги презеле Михаилова и нејзиниот адвокат.
„Важно е таа да добие можност за соодветно лекување во Бугарија, и тоа што е можно поскоро – изјави Петрова. Таа оцени дека станува збор за хуманитарен случај за кој, според неа, во Македонија немало соодветна реакција, поради што биле преземени „очајнички чекори“.
Од партијата Преродба, побараа бугарската дипломатија да ја задржи „цврстата позиција кон Македонија во врска со случајот на Ива Михаилова“.
Пратеникот Ангел Георгиев изјави дека македонските власти треба да ги преиспитаат своите постапки и да не го користат случајот за поттикнување омраза кон Бугарија. Тој нагласи дека Михаилова ги поседувала документите со кои, според нејзиниот исказ, ја минала границата.
Михаилова е обвинета во постапката што се води во Кочани по тешката сообраќајна несреќа на патот Кочани – Штип, која се случи на 7 октомври 2025 година и во која загина едно лице, а повеќе луѓе, меѓу кои и таа, беа повредени. На Михајлова и беа одземени патните исправи. Следното рочиште е закажано за 6 ноември, и според нејзиниот адвоокат од Македонија, може да се одржи и во нејзино отсуство.
Слични новости
За првпат се регистрирани случаи на западно-нилска треска во Центар и Чаир – инфициран и мртов гавран
Според и нформациите од Министерството за здравство во земјата во моментов има 43 случаи на заразено со вирусот Западен Нил, од кои 40 се потврдени, а три се уште се проверуваат.
Во Македонија пет пожари активни, 31 се изгаснати
Најкритична и натаму е состојбата во Мариово, каде што активен е пожарот кај селото Чаниште, на повеќе краци.Огнот зафаќа простор од село Чаниште кон Крушевица и Лопатица, како и крак кон Црна Река и крак кон селото Орле, на територијата на Општина Новаци
Пеколни горештини во Македонија со температури до 39 степени
Максималните температури ќе достигнат од 33 до 39 степени, информираат од Управата за хидрометеоролошки работи. Во Скопје се очекува сончево и многу топло време со мала до умерена облачност, а максималната дневна температура ќе достигне 38 степени.