Бугарија ја продолжи забраната за извоз на инсулин и група антибиотици

Меѓу наведените причини се неправилности и доцнења во испораките, како и испораки на помали количества нарачани лекови.

Одлуката на министерството со тоа забранува извоз на лекови од фармаколошките групи инсулин и аналози, SGLT2 инхибитори и лекови за намалување на шеќерот во крвта базирани на семаглутид, кој од неодамна широко се користи за лекување на прекумерната телесна тежина.

Забраната, исто така, вклучува антибиотици базирани на азитромицин, во фармацевтски форми на прав за орална суспензија и гранули за орална суспензија.

Бугарија, исто така, го забрани извозот на месалазин, лек за улцерозен колитис и Кронова болест, чиј недостиг беше пријавен во 79 отсто од бугарските региони.

Забраната за извоз на инсулин првпат ја воведе Министерството за здравство во ноември 2023 година, а испораките повторно ги забрани во февруари оваа година, а потоа ја продолжи забраната во неколку наврати, продолжувајќи ја до крајот на ноември.