Росен Жељазков, кандидатот за бугарски премиер на најголемата парламентарна групација, во средата ја прифати поканата на претседателот на државата Румен Радев за формирање влада, по предвремените избори во октомври, седми во изминатите четири години.
Жељазков, кој беше предложен за мандатар од коалицијата ГЕРБ-СДС, на претседателот Румен Радев му достави предлог за состав на неговиот кабинет. Указот за избор на Жељазков за премиер на Бугарија, Радев денеска ќе го достави до парламентот на одобрување.
„Целта на нашите консултации беше да постигнеме поширок консензус. Направивме големи напори, понекогаш работејќи до доцните часови, за да ги постигнеме потребните компромиси, договор кој е апсолутно неопходен“, рече Жељазков.
Предложени се тројца вицепремиери, Томислав Дончев од централно-десничарската партија ГЕРБ, Атанас Зафиров од Бугарската социјалистичка партија (БСП) и Гроздан Караџов од партијата „Има таков народ“, како и 19 министри. Според овој предлог, коалицијата ГЕРБ-СДС ќе има 11 министри, БСП – Обединета левица ќе има пет претставници во владата, а популистичката „Има таков народ“ ќе има четворица.
Ваквиот развој на настаните доаѓа по повеќемесечни преговори во кои лидерот на ГЕРБ и поранешен премиер Бојко Борисов беше одбиен како кандидат да ја води владата. ГЕРБ освои најмногу гласови на изборите во октомври, околу 25 отсто од гласовите, но веднаш не успеа да постигне договор за формирање влада.
Слични новости
Турција е подготвена да прифати „некои“ Палестинци ослободени од Израел
Турција е подготвена да прифати „некои Палестинци“ ослободени од Израел според договорот за прекин на огнот меѓу Израел и Хамас, изјави во неделата во Доха турскиот министер за надворешни работи Хакан Фидан
Грција предупредува на зголемена сеизмичка активност на Санторини
Грчките власти ги советуваа жителите на егејскиот остров Санторини да ги затворат училиштата во понеделник, да избегнуваат две мали пристаништа и да се воздржат од собирање во затворени простории по зголемената сеизмичка активност во областа последните денови
Блокадата на мостот Слобода во Нови Сад траеше цела ноќ, студентите спиеја на улица
Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица