Рок иконата Брус Спрингстин објави протестна песна со наслов „Streets of Minneapolis“, која им ја посвети на жителите на Миннеаполис, како и на Алекс Прети и Рене Гуд, кои овој месец беа убиени од федерални агенти.
Спрингстин, кој и претходно јавно ја критикуваше политиката на администрацијата на Доналд Трамп и федералните акции против имигрантите, ги објасни мотивите за песната во изјава објавена на Фејсбук.
„Песната ја напишав во саботата, ја снимив вчера и ја објавувам денеска како одговор на државниот терор што се спроведува врз градот Миннеаполис“, напиша Спрингстин.
„Таа е посветена на луѓето од Миннеаполис, на нашите невини соседи имигранти и на споменот на Алекс Прети и Рене Гуд.“
Стихови за насилство и отпор
„Град во пламен се бореше со огнот и со ICE под чизмата на окупаторот. Приватната војска на кралот Трамп од Министерството за внатрешна безбедност, со пиштоли на појасот, дојде во Миннеаполис да го спроведе законот… или барем така гласи нивната приказна.“
„Граѓаните се кренаа за правда, нивните гласови одекнуваа низ ноќта“, продолжува песната.
„А таму каде што требаше да има милост, останаа само крвави траги. И две мртви тела оставени да умираат на улиците покриени со снег – Алекс Прети и Рене Гуд.“
„Ќе ја браниме оваа земја и странеците меѓу нас. Тука, во нашиот дом, убиваа и пустошеа во зимата ’26. Ќе ги паметиме имињата на оние што умреа на улиците на Миннеаполис…“
„Федералните насилници на Трамп го удираа по лицето и по градите. Потоа ги слушнавме истрелите и Алекс Прети лежеше мртов во снегот. Тврдеа дека станувало збор за самоодбрана – само не верувајте им на сопствените очи.“
Слични новости
Блескав концерт на Пол Макартни во Фонда Театарот во Холивуд
Макартни сугерира дека Фонда Театарот е поинаков од концертните сали каде што вообичаено свири, заради својата интимност. Макартни настапи со најголмите хитови на неговите бендови Битлс и Вингс.
„Хеил Мери“ стигна до 164 милиони долари заработка во САД и над 300 милиони долари глобално и годинава е најсупешен филм на Холивуд
Научно-фантастичниот филм со Рајан Гослинг во САД викендов заработи 54,5 милиони долари и заработи за две недели 164 милиони долари, па според успешноста се споредува со „Опенхајмер“ и „Дина 2“.
Трејлерот за серијата „Хари Потер“ надмина 277 милиони прегледи и стана најгледан во историјата на ХБО
Првиот трејлер за серијата чија премиера е најавена за Божик 2026 беше објавен во средата и за првите 48 часа стигна до 277 милиони органски прегледи на социјалните платформи, со што стана најгледаниот трејлер во историјата на ХБО.