Уште едно лице почина по пукањето во средното училиште во австрискиот град Грац во вторникот, со што бројот на жртви се искачи на 11, вклучувајќи го и 21-годишниот напаѓач.
Жена која била примена во Универзитетската болница во Грац починала од сериозните повреди, објави австриската новинска агенција APA, повикувајќи се на болницата.
Во првите детали што се појавија од средното училиште BORG, таткото на момчето кое било присутно рече дека осомничениот намерно пукал во учениците во училницата. Таткото рече дека се фрлил на подот и се преправал дека е мртов, изјави за телевизијата Puls24.
Тој рече дека неговото дете било сведок на убиството на тројца негови соученици. Момчето избегало неповредено, заедно со неговиот брат.
Полицијата сè уште не објави дополнителни детали за жртвите или точната локација на масакрот.
Претходните извештаи во медиумите соопштија дека вооружениот 21-годишен напаѓач влегол во училишната зграда со пиштол и сачмарка, кои ги поседувал легално, и отворил оган врз учениците во две училници. Едната од нив наводно била училницата во која тој своевремено учел.
Полициските службеници пронајдоа писмо за самоубиство при претрес на домот на осомничен за нападот врз училиште во Грац, во сојузната покраина Штаерска, објави весникот Kronen Zeitung,
„Претрес беше извршен во домот на 21-годишниот млад човек попладнето. <…> Истражителите пронајдоа проштално писмо таму“, се вели во написот но не се известува за содржината.
Весниците Kurier и Salzburger Nachrichten претходно објавија дека осомничениот е 21-годишен поранешен ученик на гимназијатаучилиштето, а Salzburger Nachrichten објави и дека бил жртва на малтретирање.
Слични новости
Кац: Жителите на Техеран наскоро ќе платат цена за иранските напади врз Израел
Досега во Израел има неколку десетици мртви цивили, а на стотици се ранети како последица на ирнаските бомбардирања со ракети земја-земја и дронови, а синоќа најмалку осум лица загинаа, а 92 се ранети и хоспитализирани. Во Иран, досега од израелските напади загинаа 224 луѓе, а 90 насто од нив се цивили, ја пренесе гардијан изјавата на иранскиот министер за здравство.
Осум загинати и 92 ранети во најновиот бран напади на Иран врз Израел
Најмалку осум лица го загубија животот во најновиот бран напади на Иран врз Израел, пренесе Ројтерс, повикувајќи се на извештаи на израелското воено радио. Иранските удари уследија во текот на ноќта, набргу откако Израел изведе напади врз Иран во кои е убиен шефот на разузнавачката служба на иранските воени сили.
Трамп му се закани на Иран со досега невиден одговор
Американскиот претседател Доналд Трамп изјави дека во случај Иран на било каков начин да ги нападне САД, ќе се соочи со силата на американската војска „на нивоа кои никогаш досега не се видени“.