Бројот на жртвите од пукањето во неделата на прославата на еврејскиот празник на култната плажа Бонди во австралиски Сиднеј се искачи на 16, соопшти полицијата, додавајќи дека татко и син стојат зад нападот.
Полицијата во објава на платфромата X соопшти дека 16 лица загинале а 40 се лекуваат во болница по пукањето. Во објавата не се прецизира дали оваа бројка го вклучува и осомничениот вооружен маж, кој подоцна во престрелка беше убиен.
Двајцата напаѓачи биле татко и син, соопшти полицијата. Педесетгодишниот маж починал на местото на настанот, додека 24-годишникот е во болница во критична состојба.
Полицијата на државата Нов Јужен Велс соопшти дека меѓу загинатите има дете и дека возраста на убиените се движи од 10 до 87 години, објави BBC.
Нападот се случил на прославата на почетокот на еврејскиот празник Ханука, а полицијата го третира како терористички чин.
Премиерот Ентони Албаниз го нарече нападот „чин на чисто зло“ кој „намерно ја таргетирал“ еврејската заедница.
Слични новости
„Форин полиси“ : Путин од судирот во Украина излегува како победник
Рускиот претседател Владимир Путин излегува како ефикасен победник од судирот во Украина, оценува колумнистот на „Форин Полиси“ Мајкл Хирш.
Масовни руски напади врз Одеса и украинската инфраструктура, илјадници без струја
Русија изврши масовен воздушен напад врз украинскиот град Одеса и други региони, при што беа погодени енергетската и пристанишната инфраструктура, а избувна и пожар на цивилен брод во Црното Море.
Трамп го праќа Виткоф во Берлин на средба со Зеленски и европските лидери
„Волстрит џурнал“ објави дека на средбата ќе учествуваат британскиот премиер Кир Стармер, францускиот претседател Емануел Макрон и германскиот канцелар Фридрих Мерц.