Претседателката на српскиот парламент, Ана Брнабиќ денеска оцени дека одржувањето на нови избори би било демократско решение за актуелната ситуација во земјата бидејќи, како што наведе, „очигледно е дека парламентарната опозиција нема легитимитет“.
Таа на ТВ Хепи рече дека парламентарната опозиција повеќе не претставува никого, дека тоа е огромен проблем, наведувајќи дека, од друга страна, прашање е дали нешто би решиле со избори.
Брнабиќ изјави и дека привремената влада, која дел од опозицијата ја предлага како решение за излез од кризата, треба да се нарече „телепортска влада“ бидејќи ќе служи како „машина за телепортирање на опозицијата на министерски позиции“.
„Тоа би послужило да се телепортираат на власт бидејќи нема друг начин да дојдат на тие позиции. Срамота е што за ова зборува Милош Јовановиќ кој има два отсто поддршка од народот, сите се гледаат себеси на некои министерски позиции“, рече таа.
Коментирајќи ги студентските блокади на факултетите, таа рече дека има многу негодувања кон ректорите и деканите и оти смета дека секој треба да си го одржи јавно дадениот збор.
„Цела Србија од ректорот на белградскиот универзитет на собраниската комисија слушна дека состојбата не е катастрофална за стотици илјади студентски семејства, затоа што има план, во овие осум дена никој не го видел планот. Време е да престанеме да ги делиме луѓето и да ги делиме студентите, секое насилство треба да се осуди од сите страни“, додаде таа.
Зборувајќи за оставката на српскиот премиер Милош Вучевиќ, таа рече дека тој чин е чесен и одговорен. „Тоа што го направи е невообичаен чин во демократските земји“, рече претседателката на Собранието.
„Тешко дека по оваа влада некогаш ќе видиме повторување на времето што го имавме пред 2012 година, кога немаше политичка одговорност. Сега имаме примери на кои сите ќе се повикуваат“, додаде Брнабиќ.
Слични новости
Низа училишта во Грција добиле лажни заканувачки мејлови, испратени од Русија, за поставени бомби
Заканувачки мејлови за поставени експлозивни направа, кои се покажале како лажни, утрово биле испратени во низа грчки училишта, а истрагата покажала дека се испратени од седум ИП адреси од Русија, информираа од Министерството за образование, религија и спорт на Грција
Бојкот на супермаркетите низ целиот балкански регион
Според примерот на успешната граѓанска акција во Хрватска, за денеска е најавен бојкот и во Македонија, Србија, Хрватска, Босна и Херцеговина и Црна Гора, а во Словенија веќе е во тек бојкот на некои супермаркети.
Второ гласање во грчкиот Парламент за избор на претседател на Грција
Грчките пратеници претпладнево одново ќе гласаат за претседател на државата, откако во саботата, при првото гласање, ниту еден од четворицата кандидати не го доби потребното двотретински мнозинство, нешто што се очекува да се случи и на денешното второ гласање.