Британската влада се подготвува да им дозволи на технолошките компании бесплатно да пристапат до содржината заштитена со авторски права, предупреди група британски весници, велејќи дека авторите и издавачите бараат „праведен надоместок“ за нивната работа.
Британската влада во јавната дискусија изнесе предлози за можните исклучоци од авторски права за обука на модели за вештачка интелигенција. Технолошките компании на тој начин би можеле да ја користат содржината заштитена со авторски права на авторите и издавачите без надомест или да добијат дозвола.
Издавачите, организирани од Здружението на новински медиуми (NMA), одговорија со кампањата „Make It Fair“.
Изданијата на Daily Express, Daily Mail, The Mirror, Daily Star, The Papera, The Sun и The Times, како и голем број регионални весници, пристигнаа на киосците во вторникот во специјални корици, со отпечатена критика за предлозите на владата.
„Владата сака да ги промени законите во Обединеото Кралство во полза на големите технолошки платформи, на коишто би им овозможила да ги користат содржините на британските автори за да обучуваат модели со вештачка интелигенција без наша дозвола и без надомест. Да го заштитиме креативниот сектор – бараме само праведен надомест“, се вели во пораката.
Авторските права е основен услов за издавачите да инвестираат во доверливо и квалитетно новинарство, а истото би требало да важи и за вештачката интелигенција, изјави извршниот директор на NMA, Овен Мередит.
„Ја повикуваме пошироката британска јавност да ја поддржи нашата кампања Make It Fair и да побараме гаранција од владата дека креативците ќе добијат соодветна финансиска компензација од компаниите за вештачка интелигенција за да обезбедат одржлива иднина и за вештачката интелигенција и за креативните индустрии“, рече Мередит.
Кампањата временски се совпадна со последниот ден од јавната расправа.
Слични новости
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада