Британската економија речиси стагнираше во четвртиот квартал од 2024 година, со умерен раст во градежниот сектор и значителен пад во индустријата, објави во четвртокот бирото за национална статистика.
Во периодот од октомври до декември, британскиот брурто домашен производ (БДП) порасна за само 0,1 отсто во однос на претходните три месеца, кога се задржа на нивото од пролетниот квартал.
Во првата половина од минатата година, економската активност пораснале умерено, со раст од 0,7 отсто во првите три месеца, што означува излез од блага рецесија во 2023 година.
На годишна основа, БДП-то се зголеми за 1,1 отсто во четвртиот квартал. Во целата 2024 година, БДП-то пораснал за 0,9 отсто, околу двојно посилно од 2023 година. Но кога од пресметката ќе се одземе зголемувањето на населението, активноста стагнирала.
Благиот раст на самиот крај на годината ги одразува добрите резултати од услужниот сектор, пред сѐ веледрогериите, филмските дистрибутери, пабовите и кафеаните, но и производителите на машини и лекови, велат од ONS.
Во периодот од октомври до декември активноста најмногу пораснала во градежниот сектор, за 0,8 отсто во однос на претходните три месеци. Благ раст бележи и услужниот сектор, од 0,2 отсто.
Индустриската активност е намалена за 0,8 отсто во однос на летниот квартал.
Владините трошења беа исто така главен во растот, додека расходите на домаќинствата се задржаа на нивото од претходните три месеци.
Растот беше притиснат од повисоките цени на енергијата и послабата побарувачка во Европа, а во наредните месеци глобалната трговија може да биде попречена од царините воведени од американскиот претседател Доналд Трамп.
Слични новости
Нафтата поевтини кон 70 долари
Цените на нафтата паднаа до 70 долари на меѓународните пазари во четвртокот, бидејќи инвеститорите беа преокупирани со најавите за нови царини, засенувајќи ги знаците за поголема побарувачка во САД
Трамп се закани со царини од 200 отсто за алкохолите, ако ЕУ не ги укине царините за виски
Американскиот претседател Доналд Трамп во четвртокот изјави дека ќе воведе царини од 200 отсто за сите вина и други алкохолни производи од Европската унија, доколку Унијата не ги укине царините за американското виски
Европските индекси се во пад поради неизвесноста околу царините на Трамп
Извршниот директор на Голдман Сакс Дејвид Соломон изјави дека лидерите на големите корпорации сакаат економската политика на администрацијата на Трамп да биде појасна, бидејќи како што рече „во моментов нивото на неизвесност е голем“.