Британското кралско семејство се соочува со најтешката институционална криза во последните 90 години, откако беше уапсен Ендру Маунтбатен-Виндзор под сомнение за злоупотреба на јавна функција и поради неговата поврзаност со Џефри Епстин кој беше осуден сексуален престапник.
Кралот Чарлс III се разбудил со фотографии од својот помлад брат како излегува од полициска станица, објавени на насловните страници ширум светот. Ова е најсериозниот предизвик за британската монархија од 1936 година, кога Едвард VIII абдицираше за да се ожени со Американката Волис Симпсон, објавува Ројтерс.
Агенцијата пишува дека ова криза врз која круната нема контрола, бидејќи институцијата е во дефанзива и реагира на информации што постепено излегуваат во јавноста, без целосен увид во сите досиеја.
Кралот Чарлс порача: „Законот мора да си ја заврши работата“, во обид јасно да ја разграничи институцијата од постапките на својот брат. Принцот од Велс, Вилијам, и неговата сопруга Кетрин изразија „длабока загриженост“ поради новите откритија.
Истражување на YouGov покажало дека само 3% од Британците имаат позитивно мислење за Ендру, додека 90% имаат негативен став. Сепак, поддршката за монархијата останува значително повисока – 77% имаат позитивно мислење за Вилијам, а 60% за кралот.
Слични новости
Сирени се огласија над Кувајт, САД со напади врз иранските воени објекти
Сирени и експлозии од воздушната одбрана се слушаат утрово над Кувајт Сити. Кувајт објави дека неговата воздушна одбрана отворила оган за да пресретне дојдовен бараж од ирански беспилотни летала и ракети.
САД и Иран повторно со меѓусебни напади
САД соопштија дека викендов извеле напади врз ирански воени цели, додека Техеран тврди дека возвратил со напад врз американска воена база. Ова претставува трета позната ескалација во последната недела во областа на Ормутскиот Теснец, пренесува Би Би Си.
Војната и недовербата на населението го отежнуваат запирањето на епидемојата на ебола во Конго
Епидемијата на ебола во источниот дел на Конго се прошири на нови подрачја, вклучувајќи ги и зоните во кои дејствуваат оружените групи, што дополнително им отежнува на здравствените власти и меѓународните организации да го следат синџирот на ширење на заразата од вирусот и да организираат ефикасен одговор.